موسەنا ئەمین دێ خۆ بۆ پۆستەکێ بلندێ پەرلەمانێ عێراقێ بەربژێردکەت

PM:03:55:08/01/2022

616 جار خوێندراوەتەوە

+ -

موسەنا ئەمین ڕاگەهاند، دێ خۆ بۆ پۆستێ جێگرێ سەرۆکێ پەرلەمانێ عێراقێ بەربژێرکەت. دبێژیت ژی، "پێتڤیە ژ سەرۆکاتیا پەرلەمانی رۆل ب ئۆپۆزسیۆنێ بهێتە دان".

ئەڤرۆ شەمبی، موسەنا ئەمین بەربژێرێ سەرکەفتیێ فراکسیۆنا یەکگرتو بۆ خولا پێنجێ یا پەرلەمانێ عێراقێ د کۆنفڕانسەکێ رژنامەڤانیدا ڕاگەهاند، پێتڤیە جهەک بهێتە دان بۆ فراکسیۆنێن ئۆپۆزسیۆن ل سەرۆکاتیا پەرلەمانی بۆ وێیەگێ رۆلێ پێتڤیێ خۆ ببنینن د چاڤدێریا کابینەیا نویدا.

ئاماژە ب وێیەکێ ژی کر، پێشنیارەک هەیە بۆ فڕاکسیۆنێن ناڤ پەرلەمانی ب تایبەتی فراکسیۆنێن کوردستانی، لسەر بنەمایێن دەستوری و بەرکەفتی و مافان کو دەهان هزار کەس داینە ئالیێن ئۆپۆزسیۆنێ، دێ خۆ بەربژێرکەت بۆ وەرگرتنا پۆستێ جێگرێ سەرۆکێ پەرلەمانێ عێراقێ.

داخاز ژ هێز و ئالیێن سیاسی کر، دەنگێ خۆ ب دەنێ بۆ وێیەکێ ئۆپۆزسیۆنێ رۆلێ خۆ هەبیت ل دەستەیا سەرۆکایەتیا پەرلەمانی و ئەشکەراژیکر، هەیا نها چ ئالیەکێ کوردی ب فەرمی بەربژێرێ بۆ وی پۆستی دیارنەکریە ژبلی یەکگرتو.

گوتژی، ئەو گرنگە بۆ چارسەرکرنا قویت و مووچەیێ خەلکی چەوا دێ چارەسەرکەت و چەوا مافێ دەستوری دێ بدەستڤە ئینن و چەوا پشکداری سیاسیا کارا بیت د حکومەتا نوی یا عێراقێ دا، لێ ب لێبۆرینڤە بتنێ سەرنجا دوو حزبێن دەستهەلات لسەر وەرگرتنا پۆستانە.

بەحسا وێیەکێ ژی کر، هەبوونا ئۆپۆزسیۆنێ گرنگیەکا زێدە هەیە بۆ لێپرسین کرنێ ل کابینا بهێت بۆ وێیەکێ عێراق ب ئاقارێ ئەزموونا عادل عەبدولمەهدی دووبارە نەبیت و پارڤەبوونا هێزا شیعەیان پێگەهەکێ بهێزتر ب کورد و سوننە ددەت.

ئەڤە ددەمەکیدایە، پارتی و ئێکەتی مژویلی گۆتۆبێژانە بۆ وەرگرتنا پۆستێن بلند د حکومەتا نویا عێراقێ دا و پێکڤە و جودا دگەل جڤینان ئەنجامددەن و هەرئێک ژ کۆمەلا دادگەری و یەکگرتو ئیسلامی هەیا نها خۆ ئێکلایی نەکریە کو پشکدار بن د حکومەتا نوییا عێراقێدا یان وەک بەرەیێ ئۆپۆزسیۆنێ دێ مینن.

ڤەلڤینا نەوەی نوێ دگەل بزاڤا ئیمتیداد و چەند پەرلەمانتارێن سەربخۆ ل ١٤ێ كانونا ئێکێ یا ٢٠٢١ ێ دا، "هەڤپەیمانیا ژ پێخەمەت خەلکی" ب سەرۆکایەتیا شاسوار عەبدولواحیدی پێکئینا، کو خۆدانا ٢٨ کورسیێن پەرلەمانیە و ڕاگەهاندیە کو دێ وەک بەرەیەکێ ئۆپۆزسیۆنێ بن ل پەرلەمانێ عێراقێ و دێ چاڤدێربن بسەر کابینەیا نوی.

بڕیارە ئەوە، سوبەهی ئێکشەمبی ئێکەم رووینشتنا خولا پێنجێ یا پەرلەمانێ عێراقێ بڕێڤەبچیت و تێدا مەحمود مەشهەدانی کو ژیێ وی ژ یێ هەمی پەرلەمانتاران مەزنترە دێ سەرۆکایەتیا ڤێ رووینشتنێ بکەت.

پشتی دادگەها فیدڕالیا عێراقێ ئەنجامێن هەلبژارتنێن عێراقێ پەسەندکرین، ل رۆژا ٣٠ی ١٢ی سالا دەربازبووی، سەرۆکێ کۆمارێ عێراقێ ٩ی ١ی بۆ ئێکەمین رووینشتن پەرلەمانێ عێراقێ دەستنیشانکر.