سەرنووچە:

نەتەوەیێن هەڤگرتی: ٤٠%ێ یەمەنی تووشی بێ خارنیێ بووینە

PM:10:16:03/01/2022

784 جار خوێندراوەتەوە

+ -

نڤیسینگەها نەتەوەیێن هەڤگرتی ڕاگەهاند، ٤٠%ێ ئاکنجیێن یەمەنی تووشی بێ خارنیێ بووینە.

د بەلاڤکرنەکا نڤیسنگەها نەتەوەیێن هەڤگرتی دا بۆ رێکخستنا کاروبارێن مرۆڤی د تویتەکێ دا هاتیە، "زێدەباری بەردەوامیا بزاڤان بۆ کێمکرنا مەترسیا برسیتیێ ل یەمەن، لێ هێشتا نەبوونا ئاسایشا خۆراکی رێگریێن سەرەکی دروست دکەت".

د بەلاڤکرنێ دا ئاماژە ب وێیەکێ کریە، نەبوونا ئاسایشا خۆراکی ڕاستیەکا بەرجەستەیە بۆ ١٦.٢ ملیۆن کەسان ل یەمەنێ و ئەو ژی ئاشکراکریە، ٤٠%ێ ژ ئاکنجیێن یەمەنێ تووشی بێ خارنیێ بووینە.

ل یەمەن، بۆ دەمێ حەفت سالانە سەڕ دناڤبەرا هێزێن حکومەتا پشتەڤانیلێکری ژ ئالیێ هەڤپەیمانیا عەرەبی و حوسیێن پشتەڤانیلێکری ژ ئالیێ ئیرانێ ڤە بەردەوامە کو ل مەها ئەیلوولا ٢٠١٤ێ وەرە سەنعایا پایتەخت و چەندین دەڤەرێن دی کۆنترۆلکرینە، بەردەوامە.

شەڕێ یەمەنێ، نێزیکی ١٢٦ ملیار دۆلاران زیانێن ئابووری ب وەلاتی گەهشتینە و ئێک ژ خرابترین قەیارانێن مرۆڤی و ئابووریا جیهانی دهێتە دانان.

لگۆرەی نەتەوەیێن هەڤگرتی، زۆربەریا وەلاتیێن یەمەنێ کو ژمارا وان ٣٠ ملیۆن کەسن پشتا خۆ ب هەڤکاریێن مرۆڤی گرێددەن.

گەلەری