سەرنووچە:

جڤینا ئالیێن شیعەیان ل مالا هادی عامری دەربارەی ئەنجامێن هەلبژارتنان دەستپێکر

PM:02:36:02/12/2021

884 جار خوێندراوەتەوە

+ -

جڤینا ئالیێن شیعەیان ب ئامادەبوونا هەر ئێک ژ موقتەدا سەدر سەرۆکێ رەوتا سەدر و نوری مالکی سەرۆکێ هەڤپەیمانیا دەولەتا یاسا و سەرکردەیێن شیعەیێن دی ل نڤیسینگەها هادی عامری سەرۆکێ هەڤپەیمانیا فەتح بۆ گۆتۆبێژکرنێ لسەر ئەنجامێن هەلبژارتنان دەستپێکر.

ئەڤرۆ پێنجشەمبی، نڤیسینگەها موقتەدا سەدر د ڕاگەهاندنەکێدا ئاماژە ب وێیەکێ کر، جڤینا ئالیێن شیعەیان ب ئامادەبوونا موقتەدا سەدر سەرۆکێ رەوتا سەدر ل نڤیسینگەها هادی عامری سەرۆکێ هەڤپەیمانیا فەتح بۆ گۆتۆبێژکرنێ لسەر ئەنجامێن هەلبژارتنان دەستپێکر.

بەریا نها نڤیسینگەها نوری مالکی سەرۆکێ هەڤپەیمانیا دەولەتا یاسا ڕاگەهاند، موقتەدا سەدر سەرۆکێ رەوتا سەدر ئەڤرۆ دگەل نوری مالکی سەرۆکێ هەڤپەمانیا دەولەتا یاسا دێ جڤیت، جڤین ژی دێ ل مالا هادی عامری بیت.

بهائەدین نوری سەرۆکێ ئیتیلافا دەولەتا یاسا گوتژی، جڤینا ئەڤرۆ دێ ل مالا سەرۆکێ هەڤپەیمانیا فەتح هادی ئەل عامری بیت و ب ئامادەبوونا هەمی سەرکردەیێن هەڤپەیمانیێ بیت.

دیارکریە، جڤینا ئەڤرۆ بۆ ئاخفتنێ لسەر پرسا سەرۆک وەزیران نینە، ژبەرکو ئاریشەیێن زێدە هەنە کو گۆتۆبێژ لسەر بهێنە کرن، ب تایبەتی دوسیا ئەنجامێن هەلبژارتنان، کو ل چاڤەڕێی پەسەندکرنێدایە ژ ئالیێ دادگەها فیدرالی.

مەها ١٠ یا ئەڤسالە، هەلبژارتنێن بەروەختێن عێراقێ بڕێڤەچوون، لدویف ئەنجامێن داویێ یێن هەلبژارتنان؛ رەوتا سەدر ٧٣ کورسی، هەڤپەیمانیا تەقەدوم ٣٧ کورسی، هەڤپەیمانیا دەوڵەتا یاسا ٣٣ کورسیان بدەستئینان.

گەلەری