AM:08:55:25/04/2024
464 جار خوێندراوەتەوە
+
-
پشتی دەرچوونا
بڕیارەکێ دەربارەی کێمکرنا دەمژمێرێن دانا کارەبا موەلیدەیێ پەرلەمانتارەکێ نەوەی
نوێ ل گەرا پێنجێ ل پەرلەمانێ کوردستانێ ڕاگەهاند، یێن کو هوین نەشیان د 33 سالێن
حکومرانیا خۆ دا بتنێ کارەبی دابین بکەن هوین نە ژهەژی رێڤەبرنا ڤی مللەتی نە و
دڤێت بهێنە دادگەهکرن.
شەڤا دەربازبووی،
ژ ئەنجامێ کارڤەدانێن بڕیارا کێمکرنا دانا دەمژمێرێن کارەبا موەلیدەیێ ب وەلاتیان
سیپان ئامێدی پەرلەمانتارێ نەوەی نوێ ل گەرا پێنجێ ل پەرلەمانێ کوردستانێ هاتە
دەنگ و ڕاگەهاند، "پشتی ٣٣ سالێن حکومرانیێ دهوک دێ تاریاتیێ دا مینیت".
ئاماژە ب وێ
یەکێ ژی کر، جهێ حێبەتیێ یە سالا ٢٠٢٤ بیت و خەلکی بێ کارەب بهێلن.
سیپان ئامێدی
ئەو یەکژی بەرچاڤکر، یێن کو هوین نەشیان د ٣٣ سالێن حکومرانیا خۆ دا بتنێ کارەبی بۆ
وەلاتیان دابین بکەن هوین نە ژ هەژی رێڤەبرنا ڤی مللەتی نە، بەلکو دڤێت بهێنە درویرخستن
و دادگەهکرن ژی.
دبێژیت ژی،
هەوە نە داهاتێ سەر عەردی نە داهاتێ بن عەردی نەهێلا و هوین نەشیان خزمەتا چ سێکتەرێن
ژیانێ بکەن بدرستی، بەلکو ژبەر حکومرانیا هەوە یا بەرژەوەندی خاز هەر چ تشتێ هەی
هەوە د بەرژەوەندیا خۆ بکارئینا و میللەت دناڤ مەینەتان دا ما.
ئەڤە د
دەمەکی دایە، بڕیار هاتیەدان ژبەر خرابیا رەوشا کارەبا گشتی ل سنورێ پارێزگەها دهۆکێ
رۆژانە 7 دەمژمێران کارەبا موەلیدەیێ بهێنە بڕین، هەر ژ دەمژمێر 9ـێ سپێدێ تا 12ێ
نیڤرۆ و ژ دەمژمێر 3 بۆ 5 ئێڤاری و ژ دەمژمێر 2 بۆ 4 شەڤێ و ئەو بڕیار هەر ئەڤرۆ
چوویە د بیاڤێ بجهئینانێ دا.