PM:10:07:28/03/2024
56 جار خوێندراوەتەوە
+
-
یاریدەدرێ سەرۆکێ حکومەتا رێڤەبرنا کارێن هەرێمێ
راگەهاند، حەفتیا بهیت تەمام کاریا مووچەیێ مەها دوو دێ هیتە بەلاڤکرن. دبێژیت ژی،
"پارەیێ مووچەیێ مەها سێ ژی ب هەڤئاوایێ مەها دوو دێ ژ لایێ بەغدا هیتە دان
لێ ب ئاوایێ کوژم".
رێباز حەملان یاریدەدەرێ سەرۆکێ حکومەتا رێڤەبرنا کارێن
هەرێمێ بۆ ئین ئاڕ تی راگەهاند، ب سەدەما وێیەکیەک کو بەغدا پارە بۆ مووچەیێ هێزێن
ئەولەهیێ نەهنارتیە، دابەشکرنا مووچەیێ مەها دوو گیروبوو.
ئاماژە ب وییەکێ ژیکر، حەفتیا بهێت تەمامیا لیستا مووچەیێ
هەمی وەزارەت و رێڤەبەریێن مەها دوو دێ هێتە بەلاڤکرن یێن ئەڤرۆ ناڤێن وان د لیستێ
دانەبوون.
ئەو یەکژی بەرچاڤکر، هەرێم و بەغدا لدیڤ چارەسەریەکێ دگەڕێن تا ئاریشەیا مووچەیێ
فەرمانبەرێن هەرێمێ بهیتە چارەسەرکرن. گوت ژی،"بڕایا ب نیشتیمانیکرنا مووچەیێ
فەرمانبەران ب مەهەکێ تەمام نابیت".
بەحسا وێیەکێ ژیکر، دەما سێ سالانە دگەل بەغدا د
پەیوەندیێن داینە بۆ ڤەکرنا بەنکەکا فیدرالی ل هەرێمێ.
رێباز حەملان ئەو یەکژی بەرچاڤکر، داهاتێ ناڤخۆ یێ
هەرێمێ مەهانە نێزیکی ٣٠٠ بۆ ٣٢٠ ملیار دینارانە و پرانیا وی پارەیی بۆ پرۆژەیان
دهێنە مەزاختن.
ئاماژە ب وێیەکێ ژیکر، هژمارا من پرۆژەیەکێ ستراتیژی یێ حکومەتا
رێڤەبرنا کارێن هەرێمێ یە و ب بڕیارا هەمی لایەنێن جڤاتا وەزیران بوویە.
گوت ژی، مووچەیێ مەها سێ هەڤئاوایێ مووچەیێ مەها دوو دێ
ژ لایێ بەغدا هێتە دابینکرن ب ئاوایێ کوژم هەیا پرۆسەیا ب نیشتیمانیکرنا مووچەی
ئێک لایی دبیت.