PM:06:05:30/05/2023
1844 جار خوێندراوەتەوە
+
-
پشتی بڕیارا دادگەها بلندا فیدڕالی و نەیاسایبوونا
پەرلەمانی؛ پەرلەمانتارەکێ نەوەی نوێ دبێژیت، "هەردەم ئیرادەیا گەلی لسەر
ئیرادەیا هەمی تشتەکیە".
سیپان ئامێدی پەرلەمانتارێ نەوەی نوێ د گەرا پێنجێ یا
پەرلەمانێ کوردستانێ دا د تۆرا جڤاکیا فەیسبوکێ دا بەلاڤکر، "بڕیارا ئەڤرۆ یا
دادگەها فیدڕالی بۆ ب نەیاسایبوونا درێژکرنا ژیێ پەرلەمانێ کوردستانێ تەکەزیەکا دی
بوو بۆ وی دەمێ وان وەکی فراکسیۆنا نەوەی نوێ بۆ ئێکەم جار د دیرۆکا پەرلەمانی دا
ل ٦/١١/٢٠٢٢ ڕاگەهاندی، ئێدی ئەڤ پەرلەمانە نەیاسایی و نەشەرعی یە و وان بڕیار
دابوو کو ئێدی پشکەک نەبن ژ وێ نەیاسایبوونێ ".
ئاماژە ب وێیەکێ ژی کر، "ژبەر هندێ وان بایکۆتا جڤینێن
پەرلەمانی کرن و مووچە رەتکر و حسابێن خۆ یێن بەنکی ژی داخستن".
دبێژیت ژی، "لدەڤ مە بەرژەوەندیێن خەلکی و سەروەربوونا
یاسایێ ل پێشیا هەر تشتەکی یە".
ئەڤە د دەمەکی دایە، دوهی دادگەها بلندا فیدڕالیا عێراقێ بڕیار لسەر نەیاسایبوونا درێژکرنا ژیێ پەرلەمانێ
کوردستانێ دا و ب نەدەستوری بناڤ کر.