AM:10:18:25/05/2023
3872 جار خوێندراوەتەوە
+
-
ل دەما ڤەکرنا بازارێ دراڤان، بهایێ ١٠٠ دۆلاران ب ١٤٦
هزار و ٥٠٠ دیناران بازار پێ هاتەکرن و هەڤبەر ب دوهی بهایێ ١٠٠ دۆلاران ٢٠٠ دینار
بلندبوونە.
ئەڤرۆ پێنجشەمبیێ، دگەل ڤەکرنا بازارێن دراڤان، بهایێ دۆلاری
د بلندیێ دا جێگیرە و١٠٠ دۆلار ب ١٤٦ هزار و ٥٠٠ دیناران بازار پێ هاتەکرن، د دەمەکێ
دا، دوهی ل دەما داخستنا بازارێن دراڤان بهایێ ١٠٠ دۆلاران ب ١٤٦ هزار و ٣٠٠ دیناران
بازار پێ دهاتەکرن.
هەڤدەم، دوهی ل دەما ڤەکرنا بازارێن دراڤان بهایێ ١٠٠ دۆلاران
ب ١٤٧ هزار دیناران بازار پێ دهاتەکرن و بەنکا ناڤەندی یا عێراقێ ژی زێدەتری ٢٦٥
ملیۆن دۆلاران ئێخستنە د بازاری دا.
ئەڤە د دەمەکی دایە، ئەژی محەمەد، شارەزایێ بیاڤی بازارێ
ئابووری، بۆ دجیتال میدیایا ئێن ئاڕ تی ڕاگەهاند، دوو ئەگەران نها بهایێ دۆلاری ڕاگرتیە،
ئێکەم پەنابرنا وەلاتیان بۆ کارتێن بەنکی و بکارئینان بۆ گەشتکرنێ و خەرجکرنێ ل دەرڤەی
وەلاتی.
گوتژی، "وێ ڤەلڤین رێژەیا دۆلاری د بازارێن ناڤخۆی
دا کێم کریە".
بەحسا وێیەکێ ژیکر، ئەگەرێ دووێ بزاڤێن کومەکا بازرگانایە
کو د هەیاما دەربازبووی دا دۆلار ب بهایێ بلندکڕیە و نها دخوازن زیانێ کێم بکەن ژبەر
هندێ لڤینا بازاری و مامەلە ب دۆلاری بۆ هەیامەکێ ڕاگرتیە هەتا کو بهایێ وێ بلند
دبیتەڤە پشتڕە بفرۆشن.