AM:09:22:17/07/2021
1128 جار خوێندراوەتەوە
+
-
کۆچکا سپی ڕاگەهاند، ٢٦ی تەموزێ سەرۆک وەزیرێن عێراقێ دێ سەرەدانا واشنتۆن
کەت و ژ ئالیێ سەرۆکێ ئەمریکا دێ پێشوازی لێ هێتە کرن. دبێژیت ژی، "ئارمانج ژ
سەرەدانا وی بۆ تەکەزکرنێیە لسەر هەڤبەشیێ ستراتیجیا دناڤبەرا وان دوو وەلاتان دا".
کۆچکا سپی ڕاگەهاندنەک بەلاڤکریە و تێدا هاتیە، ب مەرەما تەکەزکرنێ لسەر
هەڤبەشیا ستراتیجیا دناڤبەرا ئەمریکا و عێراقێ، ٢٦ تەموزێ، مستەفا کازمی سەرۆک
وەزیرێن عێراقێ دێ ب سەرەدانەکا فەرمی گەهیتە واشنتۆن.
د ڕاگەهاندنێ دا ئەوژی دیارکریە، جۆ بایدن دێ ل کۆچکا سپی پێشوازیێ ل
مستەفا کازمی کەت و دێ بەحس ل بهێزکرنا پەیوەندیێن دناڤبەرا هەردوو وەلاتان دا
هێتە کرن د بوارێن سیاسی و ئابوری و ئەمنی ب گشتی و بزاڤێن هەڤبەش بۆ ژناڤبرنا داعش
ب تایبەتی دگەل مستەفا کازمی دێ هێنە گۆتۆبێژکرن.
پێشبینی دهێتە کرن د گۆتۆبێژێن ستراتیجیێن دناڤبەرا واشنتۆن و بەغدا دا،
کازمی خشتەیەکی بۆ دەمەکێ درێژ ب دانیت بۆ ڤەکێشانا هێزێن ئەمریکا ژ عێراقێ، کو د
نهادا نێزیکی سێ هزار و ٥٠٠ سەربازێن ئەمریکی دناڤ عێراقێ دا ماینە.
ل ١٥ ڤێ مەهێ، برێت مەکگۆرک
ب سەرەدانەکا فەرمی گەهشتیە بەغدا و دگەل بەرپرسێن بلندێن عێراقێ جڤیا و ل گۆرەی
زانیاریان ژی، پرسا ئەنجامدانا هەلبژارتنان و هێرشێن گرۆپێن میلیشیاتان بۆ سەر
بارگەهێن ئەمریکا ل عێراقێ، رەوشا ناڤخۆییا یەکێتی ژی تەوەرەکێ دی یێ گۆتۆبێژیێن
وی یە، هەڤدەم بەحس ل ڤەکێشانا هێزێن ئەمریکا ژ وی وەلاتی و هەلبژارتنان کر.
ل داویا مەها حوزەیرانێ ئەمریکا هێرشەک بۆ سەر هێزێن حەشدا شەعبی ل سنورێ
دناڤبەرا سوریا و عێراقێ ئەنجامدا و ب وی سەدەمی نێزیکی ١٠ چەکدارێن حەشدێ کوشتن.
هـ.ئـ