PM:03:05:15/07/2021
2052 جار خوێندراوەتەوە
+
-
مستەفا کازمى سەرۆک وەزیرێن عێراقێ و برێت مەکگۆرک نوینەرێ کوچکا سپى
بۆ کاروبارێن رۆژهەلاتا ناڤین و باکورێ ئەفریقیا جڤیان و پرسا ڤەکێشانا هێزێن خۆ
یێن چەکدار ل عێراقێ گۆتۆبێژکرن.
لگورى ڕاگەهاندنا حکومەتا عێراقێ، هەردوو ئالیان گۆتۆبێژا هەماهەنگ و
هەڤکاریا هەڤبەشا دناڤبەرا هەردوو ئالیان د چەند بیاڤەکێن جۆدا و پرسا ئەنجامدانا
گەرا چارێ یا گۆتۆبێژێن ستراتیژیێن دناڤبەرا هەردوو وەلاتان کر.
دیار ژى کر، مەکگۆرک و
کازمى گۆتۆبێژ دەربارەى رێکارێن ڤەکێشانا هێزێن چەکدار ل عێراقێ و پێنگاڤێن
دەستپێکرنا هەماهەنگیا ستراتیژى کو ببیتە سەدەما گەشەپێدانا پەیوەندیێن دناڤبەرا
هەردوو وەللاتان و پاراستنا ئەولەهی و ئاسایشا عێراقێ کریە.
ئەڤ سەرەدانا مەکگۆرکى د
دەمەکى دایە، د دەما چەند حەفتیێن دەربازبووى دا چەند هێرشێن موشەکى، ب رێکا
بالەفڕێن بێ بالەفڕڤان ڤە کرینە سەر بنگەهـ و بارەگایێن ئەمریکا ل عێراق و سوریا و
هەرێما کوردستانێ.
د دەما دەربازبووى ژى دا،
ئەگەر بەرپرسێن بلندێن ئەمریکا سەرەدانا بەغدا کربیت سەرەدانا هەرێما کوردستانێ ژى
کریە و ئەگەر ژە ەیە ئەڤ جارە ژى برێت مەکگۆرگ بهێتە هەرێمێ و دگەل بەرپرسێن
بلندێن حکومى و حزبى دا بجڤیت.
د.ش