AM:08:37:14/07/2021
1120 جار خوێندراوەتەوە
+
-
وەزارەتا ساخلەمى و ژینگەها عێراقێ ڕاگەهاند، هژمارا وان کەسێن د بوویەرا
ئاگربەربوونا نەخۆشخانەیا ئیمام حسێن ژیانا خۆ ژدەست داین ٦٠ وەلاتینە. دبێژیت،
"٢١ کەس ژ وان ژیانا خۆ ژدەست دا و ناسنامەیا وان نە دیارە".
ئەڤڕۆ
چارشەمبى، وەزارەتا ساخلەمى و ژینگەها عێراقێ ڕاگەهاندنەک بەلاڤکر و تێدا هاتیە، ژ
تەڤایا ٦٠ وەلاتیێن د بوویەرا ئاگرکەفتنا نەخۆشخانا ئیمام حسێن ل پارێزگەها زیقار ژیانا
خۆ ژدەستداینە، ٣٩ کەسان ناسنامەیا وان دیارە و ٢١ کەسێن دی ژى هەیا نها ناسنامەیا
وان دەستنیشان نەکریە.
د
وێ ڕاگەهاندنێ دا هاتیە، د نها دا رێکارێنپێدڤى گرتینەبەر بۆ نیاسین و
دەستنیشانکرنا ناسناما وان ٢١ وەلاتیان و هەردەما رێکار تەمام بوون دێ ئەنجاما
ڕاگەهینن.
شەڤا
دووشەمبى، ئاگر ب نەخۆشخانا ئیمام حسێنی زیقار کەفت کو تایبەتە ب توشبوویێن
ڤایرۆسا کۆرۆنایێ و لگورى زانیاریان، ئاگر بسەدەما تەقینا بۆتەکێ ئۆکسجینێ بوویە، لێ
نهاێتە زانین کا بۆچی ئەو بۆتلە تەقی.
د.ش