PM:10:28:26/04/2024
620 جار خوێندراوەتەوە
+
-
پەیڤدارێ حکومەتا
رێڤەبرنا کاران راگەهاند، داخازا هەڤبەندی و هەڤکاریێ بلەز ژ دەزگەهێن
پەیوەندیدارێن حکومەتا عێراقێ دکەین تا ئەنجام دەرێن هێرشا سەر زەڤیێن کۆرمۆر
بهێنە ئەشکراکرن و رووبرووی یاسایێ بهێنە کرن.
ئەڤڕۆ ئەینی، پێشەوان
هەورامی پەیڤدارێ حکومەتا رێڤەبرنا کارێن هەرێمێ راگەهاند، د هێرشە سەر زەڤیێن
کۆرمۆر ل سنورێ چەمچەمال چار کارمەندێن زەڤیێ کو وەلاتین ولاتێ یەمەن بوون ژیانا خۆ
ژ دەستداینە.
ئاماژە ب وێیەکێ ژیکر،
داخازا هەڤکاریا بلەز ژ دەزگەهێن پەیوەندیدارێن حکومەتا عێراقێ دکەین ژبووی
ئەشکراکرنا ئەنجام دەرێن وی هێرشێ وپێدڤیە رێک بهێتە گرتن ژ دووبارە بوونا وان جۆرێن
بوویەران.
ئەڤەژی پشتی وێیەکێ
دهێت، ئێڤاریا ئەڤڕۆ ئەینی، ب بالەفڕێن بێ بالەفڕڤان هێرش بۆ سەر زەڤیێن غازا کۆرمۆر
هاتە ئەنجام دان و د ئەنجام دا چار کەسان ژیانا خۆ ژ دەستدان و سێ کەسێن دی برینداربوون.
پشتی هێرشێ، وەزارەتا
کارەب و سامانێن سروشتی یێن حکومەتا رێڤەبرنا کارێن هەرێمێ راگەهاند، بسەدەما هێرشا
درۆنی بۆ سەر زەڤیێن غازا کۆرمۆر هنارتنا گازێ بۆ وێستگەهێن بەرهەمئینانا کارەبێ
هاتیە ڕاوەستاندن و ژبەر هندێ نێزیکی دوو هزار و ٥٠٠ مێگاواتێن کارەبێ کێمبووینە.