PM:11:05:22/07/2021
712 جار خوێندراوەتەوە
+
-
قائیمقامێ شنگالێ ڕاگەهاند، ڤەگەریانا وەلاتیان بۆ وێ قەزایێ سستی برێڤەدچیت و وەزارەتا کۆچ و کۆچبەران و حکومەتا عێراقێ ژی لسەر وی بابەتی بەرپرسیارن.
فەهەد حامد قائیمقامێ
قەزا شنگالێ بۆ میدیایێن عێراقێ بەحسا وێیەکێ کر، وەزارەتا کۆچ و کۆچبەرێن عێراقێ
گرنگیێ ب ڤەگەریانا وەلاتیان نادەت و پێتڤییە هەمی سازیێن خزمەتگۆزاری ل شنگالێ
جارەکا دی بهێنە ڤەکرن.
زەلالژیکر، د حەفتیەکێ
دا بتنێ پێنج بۆ ١٠ خێزانان ڤەگەریانە و حالەتێن ب وی ئاوای ژی هەبووینە ل چەند
حەفتیاندا چ خێزان بۆ ناڤ باژێری ڤەنەگەریانە.
قائیمقامێ شنگالێ
ڕاگەهاند ژی، کومەلگەها عەدنانیە نێزیکی ١٥ هزار ئاکنجییان هەبوویە لێ نها چ خێزان
تێدا نینن، دبێژیت ژی، سەدەمەێن نەزڤرینا وەلاتیان بۆ قەزا شنگالێ گرنگی پینەدانە
ب دوسەیا کۆچبەران ژ ئالیێ حکومەتا عێراقێ و وەزارەتا کۆچ و کۆچبەرانە.
فەهەد حامد ئاماژە ب
وێیەکێ ژی کر، هندەک سازی وەکی رەگەزنامە و کارتا ئاکنجیبوونێ دروستکرنە لێ ئەڤە
بتنێ بەس نینە بەلکو پێتڤییە لسەر حکومەتا عێراقێ لەزێ بکەت لسەر ڤەکرنا هەمی
سازیێن خزمەتگۆزاریێ لپێناڤ ڤەگەریانا ژیانێ بۆ باژێری و خەلکێ وی باژێری.
سالا دەربازبووی،
حکومەتا عێراق و هەرێما کوردستانێ ب ئامادەبوونا نوینەرێ نەتەوەیێن یەکگرتی ل
بەغدا لهەڤهاتن لسەر ئاسایکرنا ڕەوشا شنگالێ و ڕادەستکرنا ئەولەکاریا وی باژێری ب
هێزێن پۆلیس و دەرکەفتنا هێزێن سەربازی ب دوریا پێنج کێلۆمەتران ژ باژێری، لێ هەیا
نها لهەڤهاتن ل ب تەمامی نەهاتیە جێبەجێکرن.