PM:04:44:22/07/2021
660 جار خوێندراوەتەوە
+
-
ل گۆرەی زانیاریێن نووچەگەهانێ ئێن ئاڕ تی، ئاگربەربوو کەمپا ئاشتی ل عەربەت و ب وێ سەدەمێ ژی چەندین چادر شەوتین.
رێکان جەمال، پەیڤدارێ بەرەڤانیا باژێری ل سلێمانیێ بۆ ئێن ئاڕ تی ڕاگەهاند، ب سەدەما ئاگری، زارۆکەکێ تەمەن شەش سالی ژیانا خۆ ژ دەستدا.
ژ ئالیێ خۆڤە ژی، دابان محەمەد، رێڤەبەرێ ناحیا عەربەت بۆ ئێن ئاڕ تی ڕاگەهاند، بسەدەما ئاگرێ کەمپا ئاشتی شەش خیڤەت شەوتین و چار ژ وان خیڤەتان خێزان تێدابوون و زارۆکەکێ شەش سالی شەوتی و ژیانا خۆ ژ دەستدا.
مەها دەربازبووی، ئاگر بەربوو کەمپا شاریا یا
ئاوارەیێن شنگالێ ل قەزا سێمێلێ سەر ب پارێزگەها دهۆکێ ڤە و ب وێ سەدەمێ ژی شەش
کەس برینداربوون، زێدەتری ٣٠٠ خیڤەتان شەوتین و زیان گەهشتنە ١١٠ خیڤەتێن دی ژی و
پشترە ب کۆژمێ پارەی و ئاڤاکرنا خانیان ل جهێ خیڤەتان هاتنە قەرەبووکرن.