ڕێڤەبەرێ گشتى يێ پەيوەنديێن دناڤبەرا ئيران و ھەرێما كوردستانێ دا ڕاگەھاند، كاردكەن بۆ كێمكرنا پارەيێ رێداناترۆمبێلێن تايبەتێن وەلاتيان بۆ ئيرانێ و دڤێت زێدەتر ژ نيڤا وى بھايى كێمبكەن.
عەبدوللا ئاكرەيى رێڤەبەرێ گشتى يێ پەيوەنديێن كۆمارا ئيسلامى و ھەرێما كوردستانێ ڕاگەھاند، بەريا نھا ب رێيا كۆمپانيان مۆلەتا داخلبوونێژێ وەردگرت، ئەو دبێژيت "ئەڤە پارەيەكێ زێدەيە".
ئاماژە ب وێيەكێ ژى كر كو دێ بزاڤان كەن ئەو پارە بۆ ١٠٠ دۆلاران بھێتە كێمكرن بڤێ يەكێ ژى زێدەتر ژ نيڤا بھايێ دێ ھێتە خار.
ئەوژى دياركر، بسەدەمێ رێكارێن ڤايرۆسێ كۆرۆنا د نھادا دانا ڤيزا ئيرانى بۆ ھەرێما كوردستانێ ب تنێ بۆ حالەتێن پێتڤيە وەك نەخۆشى، لێبەرۆڤاژى بۆ وەلاتيێن ئيرانى دەريێن سنورى د ڤەكرينە و ب ئاسايى ھاتن و چوونێ دكەن.
دبێژيت ژى، ھەردەمێ ھاتن و چوون ئاسايى ببيت د ھێتە چاڤەرێكرن ژ ئاليێ ئيرانێ ڤە بڕيارا ھەلگرتنا ڤيزێ بۆ وەلاتيێن ھەرێما كوردستانێ بھێتەدان.