سەرنووچە:

ماموستا بەدەل بەرواری و شانوگەریا دادگەهێ!

PM:09:56:20/10/2021
3768 جار خوێندراوەتەوە
جەلال چێیی
+ -

ئەزموونێن حوکمرانیێ و ھەموو سیستەمێن سیاسی ل جیھانێ وێ چەندێ دیاردکەن دبیت بۆ دەمەک دیارکری و ل جھەک دیارکری ھێزەک بکاریت ئازادیا خەلکی سنوردار بکەت، بەلێ چ جارا نەبوویە و نابیت دەستهەلاتەک بکاریت بۆ دەمێ ھەتەھەتایێ و سەرتاسەری ولاتی ب ھێز و زەبر و زەنگێ خەلک و جڤاکێ خۆ بێدەنگ و کپ بکەت، ئەڤ پرۆسێسا گرتن و سزادانا چالاکڤان و رۆژنامەڤانێن بەھدینان بدەستێ پارتی وەک ھێزا دەستهەلاتدار ل وێ دەڤەرێ ھەمان ئەزموون دیار دکەت کو نەکاری خۆ لھەمبەر نەرازیبوونا ڕایا گشتی ڕابگریت.

ئەگەر تەماشەی داوی دادگەھ د دڤێ پرۆسێ دا بکەین کو سزادانا بەرێزان مامۆستا بەدەل بەرواری و ئومێد بەرۆشکی هەر یەک ب سالەکێ ل سەر ماددێ ٢٢٢ یێ سزادانا عێراقێ کو گرێدای وان کەسانە یێ خەلکی کومدکەت و دبنە مەترسی ل سەر حکومەتێ و دام و دەزگەهان و ئیش و کارێن خەلکی.

ئەڤە دبیتە غەدرەکا مەزن ل مامۆستا بەدەل و ئومێد بەرۆشکی ژبەرکو چەوا چێدبیت داخازا مافێ خۆ بکەی ببیتە تاوان ئەڤە دپاشەرۆژێدا دێ بیتە مەترسی هەرکەسێ داخازا مافێ خۆ بکەت یان دێ ب ڤی ماددەی هێتە سزادان یان ماددەیێ ١٥٦یێ سزادانا عێراقێ کو تێکدانا ئاسایشا نشتیمانی یە. 

ئەو دادوەرێ ئەڤ بڕیارە دای تنێ بۆ دلێ پارتی ب ئەمرێ پارتی ئەڤ سزایە یێ دای، دبێژنە خەلکی مامۆستا بەدەل و ئومێد تاوانبارن ئەگەر نە هیچ بەلگەیەک ل بەردەستێ وان نەبی کو ئەڤە تاوانبارن، ل ڤێرە دیاربیت ب سزادانا خەلکێ بێ گونەھ تنێ ئەوە دا خەلک نە بێژیتە پارتی و دادگەهێ پا ئەڤە زێدەتر سالەکە ماموستا بەدەل و ئومێد یێ زیندانێدا هەوە بوچی گرتبوون ئەڤ بڕیارە گەلەکا مەترسیە دڤێت پارێزەرێن وان ڤێ بریارێ رەتبکەن ژبەرکو چەوا کەسەکێ بێ گونەهـ بۆ دلێ پارتی و عینادا وان سزابدەی ئەڤە بۆ پێشینە(سابیقة)یا یاسایی یا ھەردوو دادگەھکریا زۆرا خرابە ئەم زانین ئەو دبێ گونەهن خەلک هەمی زانیت بەس سوبەهی هەر بەھانەیەکا دێ ئەڤ سزایە دێ زێندی ببیتە ڤە.

دڤیابا بێ هیچ سزایەک هاتبانە ئازادکرن و هاتبانە قەرەبووکرن دا خەلکێ کوردستانێ و رێکخراو و کونسولێن بیانی باوەریەک ب دادگەهێن کوردستانێ چێ ببا.

بڤێ سزادانێ و سزادانا چالاکڤان و رۆژنامەڤانێن پێشتر و یێن نھا د پرۆسا دادگەھکرنێدا وێ چەندێ دگەهینیت نە دادگەھ و نە هێزێن ئەولەهیێ و نە حکومەتێ چ نیەتەکا باش نینە بۆ بێ لایەنکرنا ڤان دەزگەهان ل ڤێرە پاش خەلکی باوەری ب ڤان دەزگەها نامینیت رۆژ ب رۆژێ دێ کێش و گرفت زێدەتر لێ هێن ئەڤەژی ڤەدگەریت بۆ ڤێ دەستهەلاتا هەرێمێ کو پێکدهێت ژ پارتی و یەکێتی و گۆران بەس دەستهەلاتا سەرەکی پارتیە ئەڤ بڕیارێن شاش ب عینادی لهەمبەر چالاکڤان و رۆژنامەڤانان ددەت نە ل سەر رێیێن خۆ یێن یاسای ل ڤێرە چەوا پارتی بەرپرسیارێ بێ ئیشکرنا دادگەهێ یە وەسا بێدەنگیا یەکێتی و گۆڕانێ ژی یە بێدەنگی واتە رازی بلا بۆ هەر کەسەکی دیاربیت ڤێ دەستهەلاتێ چ ئینیەتەکا چاکسازیێ نینە دڤێت هەمی خەلکێ نەرازی و دگەل وان حیزبێن ئۆپۆزسیۆن کاربکەن ل سەر بەرنامە و سیستەمەکێ دروست و دەسەلاتێ ژڤان حیزبێن نوکە وەرگرن و باوەریێ بو دام و دەزگەهێن حکومی بینەڤە.

گەلەری