AM:10:13:11/05/2022
1180 جار خوێندراوەتەوە
+
-
وەزارەتا ساخلەمیا فەلەستین ڕاگەهاند، ژنەکا نووچەگەهان
یا کەنالێ تەلەڤیزیۆنیێ ئەلجەزیرە ل دەمێ روومالکرنا هەوا سوپایێ ئیسرائیلێ بۆسەر
کەمپا پەنابەرێن جەنین ل بەرئاڤێن ڕۆژئاڤایێ فەلەستین ب تەقەیێ سەربازێن ئیسرائیلی
هاتە کوشتن.
ئەڤرۆ چارشەمبی د ڕاگەهاندنەکا وەزارەتا ساخلەمیا
فەلەستیندا هاتیە، شرین ئەبو عاقلە خانما نووچەگەهان یا کەنالێ ئەلجەزیرە یا ژیێ
وێ ٥١ سال ژ ئەنجامێ دەستڕێژیا گولـلەیێن سەربازێن ئیسرائیلی کو گولـلەیێن راستەقینە
بکارئیناینە، بەر سەرێ وێ کەفتینە و دەسپێکێ ب گرانی بریندار بوویە، پشترا ژیاناخۆ
ژ دەستدایە.
ئاماژە ب وێ ژی دایە، شرین ئەبو عاقلەیێ روومالا
وێ هەوێ دکر یا کو سوپایێ ئیسرائیل بۆسەر کەمپا جەنین ئەنجام ددا.
شرین ئەبو عاقلە ل سالا ١٩٧١ ل باژێڕێ قودس ژ
دایک ببوو و باوەرنامەیا بەکالۆریۆس ل میدیا و ڕۆژنامەڤانیێ ل زانکۆیا یەرموک ل
ئوردن بدەست ڤە ئینابوو. بۆ دەمێ ٢٥ سالان نووچەگەهانا کەنالێ تەلەڤیزیۆنیا ئەلجەزیرەیا
قەتەری بوو.