سەرنووچە:

د کیسخەویدا تەرمێ کۆچبەرەکی ل سنورێن دناڤبەرا بیلاروسیا و لیتوانیا هاتە دیتن

PM:04:58:28/11/2021

984 جار خوێندراوەتەوە

+ -

لدویف زانیاریێن نووچەگەهانێ ئێن ئاڕ تی، تەرمێ کۆچبەرەکی ل سنورێن دناڤبەرا بیلاروسیا و لیتوانیا د کیسخەوەکیدا هاتە دیتن.


ئەڤرۆ ئێکشەمبی، هەلگۆرد عومەر نووچەگەهانێ ئێن ئاڕ تی ئاماژە ب وێیەکێ کر، ل سنورێ دناڤبەرا هەردوو وەلاتێن بیلاروسیا و لیتوانیا د کیسخەویدا تەرمێ کۆچبەرەکی هاتیە دیتن، دبێژیت ژی، بسەدەمێ وێیەکێ کو چ پاسپۆرت و ناسنامە دگەل نینن نزانن خەلکێ کیڤەیە.

 

دوهی، ئاژانسا نووچەییا بیلاروسیا بەلاڤکر، خۆبەخشێن وەلاتێ وان بزاڤان دکەن رەوشا دژوارا کۆچبەران سانەهی بکەن ب دابینکرنا خارن و جلوبەرگان و بەتەنیان، ژبەرکو سەقا و بەفربارین و دژواری و نەخۆشیان ژیانا کۆچبەرێن سنورێ بیلاروسیا و پۆلەندا زێدەکرینە و کۆچبەرێن هەیا نها ل کەمپێن سنورێ بیلاروسا ژیانا خۆ دەربازدکەن.

ل شەڤا ٢٤ لسەر ٢٥ ێ ڤێ مەهێ، بەلەمەکا کۆچبەران دناڤبەرا فرەنسا و بەریتانیا دا نقۆبوو دەسپێشکێ ڕاگەهاند ل ئەنجامێ نقۆبوونێ٢٧ کەسان ژیانا اخۆ ژ دەستدایە لێ پشترا ئەو هەژمارە بلندبوو بۆ٣١ کەسان.

ئەڤە د دەمەکی دایە، قەیرانا کۆچبەران دەمێ زێدەتر ژ مەهەکێیە دروستبووی لسەر سنورێ دناڤبەرا بیلاروسیا و پۆلەندا دا، دەستهەلاتدارێن یەکێتی ئەوروپا ڕاگەهاندیە ب هەمی ئاوایەکی دژی وەرگرتنا کۆچبەرانین بۆ ناڤا ولاتێن خۆ.

گەلەری