AM:09:00:18/07/2021
2020 جار خوێندراوەتەوە
+
-
حکومەتا ریاز، پشتی زێدەتری ٤٠ سالان ژ
قەدەغەکرنا دوکان و بازاران ل دەما نڤێژێ دا، دەرفەت ب خۆدان دوکان و بازاران دا ل
دەما نڤێژێ دا بڤەکری بهێلن.
لگۆرەی نووچەیەکێ کەنالێ ئەل ئەخباریە یێ
سعودیە، یەکێتی یا ژۆرا بازرگانیا سعودیە دڕاگەهاندنەکێ دا بەحسا وێیەکێ کر، ژ
ئەڤرۆ و پێدا دەرفەت دێ ب خۆدان دوکانان هێتەدان د دەما نڤێژێ دا دوکانێن خۆ ب
ڤەکری بهێلن و هەمی لڤینێن ئابووری بەردەوام بن.
د ڕاگەهاندنێ دا بەحسا وێیەکێ ژی کریە، بڕیار
د کەڤانێ رێکارێن خۆ پارێزیێ ژ بەلاڤبوونا پەژیکا کۆرۆنایێ و بۆ رێکگرتنێ ل
دروستبوونا قەرەبالغیێ کو ل دەما نڤێژی ب سەدەما داخستنا دوکانان دروست دبوو،
هاتیە دەرخستن.
لژنا "امر بالمعروف والنهي عن المنكر" ل
سالا ١٩٨٠ێ بڕیاردا ل دەما نڤێژێ هەمی دوکان و بازارێن سعودیە بهێنە داخستن و هەمی
چالاکیێن ئابووری ڕاوەستن.
د دەما چەند سالێن
دەربازبووی دا کۆمەکا گوهۆرینێن زێدە د بیاڤێن سیاسەت، جڤاکی و کلتوری دا ل وەلاتێ
سعودیە روویدان و بەشەکێ زێدەیێ وان تشتێن کو بەیا نها هاتبوونە قەدەغەکرن رێک پێهاتەدان، ژ گرنترینا وان ژی دەرفەت دانە
ب ژنان بۆ شۆفێریا تۆمبێلان و چوونا وان بۆ یاریگەهان کو ل دەما دەربازبووی بتنێ
ئەو مافە ب زەلامان هاتبوو دان.