PM:07:01:31/08/2021
2628 جار خوێندراوەتەوە
+
-
ڕێڤەبەریا پۆلیسێن نەیناوا
بەلاڤکر، ژنەک و کوڕێ وێ و زەلامەکێ دی ب تۆهمەتا کوشتنا برایێ ژنێ بۆ بدەستڤە
ئینانا میراتێ زەلامی هاتنە دەستەسەرکرن.
ڕێڤەبەریا پۆلیسێن پارێزگەها
نەیناوا ڕاگەهاند، پشتی کو نووچەیێ ژیان ژ دەستدانا زەلامەکی د مالا ویدا
بەلاڤبووی، لژنەیەک بۆ ڤەکۆلینان هاتە پێکئینان بۆ ڤەکۆلینێ ل وێ کەیسێ ب هەڤکاریا
فەرمانگەها نوژداریا دادوەری و مفا وەرگرتن ژ کامیرەیێن چاڤدێریێ خویشکا وی زەلامی
ب تۆهمەتا کوشتنا وی کەسێ هاتیە کوشتن هاتە دەستەسەرکرن.
ئەوژی دیارکر، پشترا کوڕێ وێ ژنێ
(خارزایێ) کەسێ هاتیە کوشتن و زەلامەکێ دی ب تۆهمەتا وێیەکێ کو دەست دگەل هەبوویە
د وی کاریدا و ئەو کارە ب ئارمانجا بدەستڤە ئیانا میراتێ وی ئەنجامدایە.
بەحسا وێیەکێ ژی کر، تۆهمەتباران
دانپێدان ب تاوانا خۆ کریە و دادوەرێ ڤەکۆلینێ ژی رەوانەی دادگەها تاوانان کریە و ڤەکۆلینێن
یاسایی دگەلدا بەردەوامن.