PM:04:39:03/09/2025
88 جار خوێندراوەتەوە
+
-
چار وەلاتیێن کورد کو دڤیا گەشتا عومرەیێ بکەن
ل سەر رێکا دناڤبەرا سعودیە و عێراق ل دەڤەرا عەرعەر تووشی بوویەرەکا ترافیکی بوون
و سێ ژوان ژیانا خۆ ژ دەستدان.
ئەڤرۆ چارشەمبی، نووچەگەهانێ ئێن ئار تی
راگەهاند، چار وەلاتیێن هەرێما کوردستانێ کو خەلکێ هەولێر و مەخمورن هەڤالێن نێزیکن
و خێزاندارن دڤیا ب ترۆمبێلا تایبەتا خۆ گەشتا عومرەیێ بکەن، لێ سپێدەهیا ئەڤرۆ ل
دەڤەرا عەرعەر تووشی بوویەرەکا ترافیکی بوون و د ئەنجامدا سێ کەسان ژیانا خۆ ژ
دەستدان و کەسەک ژی بریندارە.
ئێک ژ کەسوکارێ وان قوربانیان بەحسا بوویەرێ
دکەت و دبێژیت، ئەو شەڤا دەربازبووی ل هەولێرێ برێکەفتینە، هەڤالێن نێزیکی ئێکن و
ئاسنگەرن و بەری چەند جاران ب ترۆمبێلا خۆ گەشتا عومرەیێ کریە، لێ ئەڤ جارە تووشی
بوویەرەکا ترافیکی بوون و سێ ژوان ژیانا خۆ ژ دەستدان.
لدویف ئاخفتنا کەسوکارێن وان، د نها دا کەسوکارێن
وان قوربانیان چووینە نەخۆشخانەیا روومادیە و مژویلی وەرگرتنا تەرمێن وانن، بریارە
ئەڤرۆ بهێنە ڤەگوهاستن و ڤەشەرێن.