PM:08:03:03/09/2025
112 جار خوێندراوەتەوە
+
-
سەرۆک وەزیرێن عێراقێ د
سەرەدانا عومان دا، سەرپەرشتیا ئیمزا کرنا دوو رێکەفتن و ٢٤ پاداشتێن لێکتێگەهشتنێن
هەڤبەش دگەل وی وەلاتی کرن، کو چەند بیاڤێن جودا ژ خۆ دگریت.
ئەڤرۆ چارشەمبی،
نڤیسینگەها راگەهاندنا سەرۆک وەزیرێ عێراقێ د راگەهاندنەکێ دا بەلاڤکر، ل سولتاننشینا
عومانێ، ب سەرپەرشتیا هەر ئێک ژ محەمەد شیاع سودانی و شەهاب بن تارق ئال
سەعید،جێگرێ سەرۆک وەزیرێ عومان، دوو رێکەفتن و٢٤ پاداشتێن لێکتێگەهشتنێ دناڤبەرا
هەردووک وەلاتان ئیمزا کرن.
رێکەفتنا ئێکێ تایبەت بوو
ب هەلگرتنا فیزەیێ دناڤبەرا هەردووک وەلاتان، رێکەفتنا دوویێ ژی تایبەت بوو ب
رێگری کرن ل خۆڤەدزینا باجێ، پاداشتنامێن لێکتێگەهشتنێ تایبەتن ب بیاڤێ سیاسی،
پیشەسازی، بازرگانی، گەشتیاری، پەروەردە و خواندانا بلند، وەرزش، ئاکنجیکرن،
پەیوەندیێن چاڤدێریێن بانکی، ئێنرجی و هنارتنا وێ و چەند بیاڤێن دی.
ئەڤەژی پشتی وێیەکێ
دهێت، محەمەد شیاع سودانی، سەرۆک وەزیرێ عێراقێ ب سەرۆکاتیا شاندەکا بلند، ب سەرەدانەکا
فەرمی گەهشتە عومان و ل باژێرێ سەلالە ژ لایێ هەیسەم بن تارق ئال سەعید، سولتانێ
وی وەلاتێ پێشوازی لێ هاتە کر..
.