PM:09:44:03/09/2025
64 جار خوێندراوەتەوە
+
-
وەزارەتا بازرگانیا
عێراقی دبێژیت، دگەل کۆمۆپانیێن نێڤدەولەتیێن ئەلمانی و چینی و بەرازیل گەهشتینە
رێکەفتنێ بۆ ڤەکرنا هێلا بەرهەمئینانا ترۆمبێلان ل عێراقێ، ئەو ترۆمبێل دێ هێنە
بەرهەئینان کو ب غازا سروشتی کاردکەن و دی ب قست بۆ وەلاتیان بەردەست بن.
ئەڤرۆ چارشەمبی، محەمەد
حەنون، پەیڤدارێ وەزارەتا بازرگانیا عێراقێ گوت، پرۆژەیێ ڤەکرنا هێلێن کۆمکرنا
ترۆمبێلێن جیهانێ ل عێراقێ لدویف رێکارێن تەکنیکی و رێکخستی دگەل کۆمپانیێن
نێڤدەولەتی بەردەوامن.
ئاماژە ب وێیەکێ ژی کر،
ئەڤ پرۆژەیە پێنگاڤەکە بەرەڤ دروشمێ دروسکریێ عێراقێ و ئارمانج ژێ دامەزراندنا
کرێکارێن نافخۆیی و دابینکرنا ترۆمبێلێن ئابوری و هاڤەلی ژینگەهێ.
دبێژیت ژی، جهێ تایبەت
بۆ پرۆژەی ل باشورێ عێراقێ و دەڤەرێن دیێن وەلاتی بەرهەڤ کرینە و گوت ژی، پرۆژەی
چەند ئارمانج بدەست ڤەئیناینە، ئێک ژ دیارترین ئارمانجا ڤی پرۆژەی ب کێمیڤە
دامەزراندنا ٥٠٪ ژ هێزا کاری و گەشەکرنا پیشەسازیا نیشتیمانی و ئەگەرێ هنارتنێ
هەیە بۆ دەرڤە ئەگەر بڕا پێدڤی ل بەردەست بیتن.
زەلال ژی کر، ئەو
ترۆمبێلێن ل عێراقێ دهێنە کۆمکرن پێشکەفتینە، ل ژێدەرێن جودا، هەڤالێ ژینگەهێ بن و
ب غازێ دێ کارکەن وەک یەدەک بۆ بەنزینێ و هەروسا دێ ئابوری بن، رێک ب وەلاتیێن کێم
دەرامەت دهێتە دان ب ئاوایێ قیست وان ترۆمبێلان بکرن.