بهایێ زێڕی بەردەوامە د بلندبوونێ دا و ئەڤرۆ ژی بهایێ ئۆنسەکا زێڕی هەڤبەر ب دوهی نێزیکی ١٥٠ دۆلاران بلندبوو؛ بهایێ مسقالەکا زێڕێ عەیار ٢١ ب ٩٠١ هزار دیناران بازار پێ هاتەکرن.

سروە عەبدولواحید، سەرۆکا لیستا نەوەی نوێ ل سلێمانیێ ب توندی بەرسڤا مەسرور بارزانی و قوباد تالەبانی دا و گوت، هووین هەردووک بۆ دزی کرنێ کلکا ئێکن، ب وان گوت ژی، باشترە هوین بێدەنگ بن چونکی خەلک دزانیت هووین بایێ چەندێنە.

لدویف رێککەفتنا هەرێمێ و بەغدا پێدڤیە مووچەیێ هەیڤا هەشت یێ هەرێمێ دگەل مووچەیێ هەیڤا ١٠یێ عێراقێ بهێتە خەرجکرن، لێ پارتی و یەکێتی چەندین میدیا و سازی و پەرپرسێن خۆ راسپاردینە رۆژانە داخۆیانیێن نەراست دەربارەی هاتنا مووچەی بەلاڤبکەن هەردووک ژی ژبەر سوزێن خۆ یێن نەراست د هەلبژارتنا بووری دا لهەمبەر خەلکی د ئیحراجیەکا مەزن دانە.

نەوەی نوێ دبێژیت، دەستهەلات رێگریێ دکەت نەوەی نوێ بانگەشێ بکەت و دەستبەسەر شاشەیێن ریکلام و فلێکسان دا گرتیە، دبێژیت ژی، ئەڤ کارێن دەستهەلاتێ رامانا ترسا دەستهەلاتێ یە ل وێنەیێن شاسوار عەبدولواحید.

وەزارەتا بازرگانیا عیراقێ دبێژیت، مووچەیێ هەر فەرمانبەرەکی زێدەتر ژ ملیۆنەک و ٥٠٠ هزاران بیت، پشکا وی یا ئاهێن خارنێ دێ هێتە بڕین.

دەربارەی ئەنجامدانا مامەلەیا ( کەفالەت)، وەزارەتا خاندنا بلند یا هەرێمێ بڕیارەک بۆ قوتانێێن هاتیە وەرگرتن بۆ سالا ٢٠٢٥-٢٠٢٦ دەرێخست و دبێژیت، ژ نوکە پێڤە دێ ئەو مامەلەیە ل سەرۆکاتیا زانکۆ و پەیمانگەهێن حکومی هێتەکرن.

حەج و عومرەیا هەرێمێ دبێژیت، هەر چەندە بڕیاربوو ئەڤرۆ دەمێ ئەنجام دانا گڕێبەستا کۆمپانێێن حەج و عومرێ ب داوی بهێت، لێ ژ پێخەمەت بەرژەوەندیا گشتی دەمێ وێ بۆ هەیڤەکێ هاتە درێژکرن.

وەزارەتا داراییا عێراقێ ١٥ ملیار دینار وەک شایستەیێن گەنمێ جوتیاران بۆ سالا ٢٠٢٥ێ هنارتی یە و ئەڤرۆ دێ دەست ب دابەشکرنێ هێتە کرن.

کۆمسیۆنا هەلبژارتنێن عیراقێ دبێژیت، تا نها مە زێدەری ملیۆنەک و ٥٠٠ هزار کارتێن بایۆمەتری بسەر وەلاتیان دا بەلاڤکرینە و بەردەوامین د هوربینی کرنێ د بەربژێران دا.

سەقاناسیا هەرێمێ دبێژیت: ئەڤرۆ ئەسمان دێ ساهی بیت، پەلەیێن گەرمی ژی دێ داکەڤن، پلەیێن گەرمێ ل دەڤەرێن هەرێمێ گە‌هشتە ٣٥ پلەیێن سیلیزی و ل هوینترین دەڤەر ژی ٢١ پلەیە.

بابەتێ مووچەی هێشتا وەک خۆ مایە، ئەوا هەی بەغدا ژبەر گومانان ژ هەرێمێ بڕیار دایە پشتی ٣٠ رۆژان ژ رادەستکرنا پتڕۆلێ و پاشی ١٢٠ ملیاران مووچەیێ هەیڤا هەشت بهنێریت، حکومەتا دەم بسەرڤەچووی ژی تا نها ١٢٠ ملیارێن داهاتێ نە پەتڕۆلێ یێ هەیڤا هەشت و نەهـ رادەستنەکریە.

١٦ی ئۆکتۆبەرا ٢٠١٧ ژ ئەنجامێ رێفراندومێ سەرهلدا و ژبەر وێیەکێ کوردستانێ زێدەتری نیڤا ئاخاخۆ ژدەست دا و تانکێن عێراقێ ل باشورێ کەرکوکێ هێرشکرە سەر سەنگەرێن پێشمەرگەی و کێمتری ٢٤ دەمژمێران کۆنترۆلکرن و نێزیکا ١٠٠ پێشمەرگەیان دانە کوشتن و شەهیدبوون و بەرپرسێن پارتی و یەکێتی بەرەڤ هەولێر و سلێمانێی رەڤین کو بەری نها د گوتن تا داوی دلوپا خۆینێ دێ بەرەڤانیێ کەین.

ئەڤرۆ بهایێ بەرمیلەکا پەتڕۆلا خاڤا برێنت د بازارێن جیهانێ دا ب ٦٢ دۆلار و ٤٧ سەنتان بازار پێ دهێتە کرن.

پشتی کو د چەند رۆژێن دەربازبووی دا بهایێ زێڕی ئاستەکێ دیروکی و گە‌شتیە سەر چار هزاران، ئەڤرۆ بەروڤاژی جارەکا دی بهایێ وی هەڤبەر دوهی ٢٠ دۆلاران بلندبوو، بهایێ مسقالەکا زێڕێ عەیار ٢١ ب ٨٦٧ هزار دیناران بازار پێ هاتەکرن، هەڤبەر دوهی زێدەتر ژ ٢٥ دۆلاران بلندبوویە.

وەزارەتا دارایی یا عێراقێ کۆژمێ ١٥ ملیار دینار وەک شایستەیێ گەنمێ جوتیارێن هەرێمێ بۆ سالا ٢٠٢٥ هنارتو سوبەهی دێ هێتە دابەشکرن.

رێڤەبەریا بەڕەڤانیا باژێری ل زاخۆ ڕاگەهاند، ژ ئەگەرێ گرتنا کارەبێ لەشێ دوو کرێکاران ب ڕێژەیا ٢٥٪ سەدێ هاتنە سوتن.

وەفدەکێ یونامی سەرەدانا ئۆفیسا نەوەی نوێ کر و بەحسێ پرسا زیندانکرنا سەرۆکێ ڤەلڤینا نەوەی نوێ و ئەو پێشێلکاریێن ژلایێ هەردوو حزبێن دەستهەلاتێ ڤە هەمبەری نەوەی نوێ دهێنەکرن کر.

نووچەیێ راست تا نها ئەوە کو بەغدا ب هەرێمێ گوتیە، مووچە پشتی ٣٠ رۆژان ژ رادەستکرنا پەتڕۆلێ و هنارتنا ١٢٠ ملیار دیناران دێ هێتە هنارتن، حکومەتا دەم بسەرڤەچووی ژی تا نها ١٢٠ ملیار بۆ هەیڤێن ٨ و ٩ رادەستی بەغدا نەکرینە، دەربارەی ڤێ یەکی ژی سەرۆکێ لیستا نەوەی نوێ ل سلێمانیێ تەکەز کر، هنارتنا مووچەی گرێدایە ب بەردەوامیا رادەستکرنا پەتڕۆلێ و داهاتێ نەپەتڕۆلیێ هەرێمێ.

پشتی کو سەرۆکا لیستا نەوەی نوێ ل پارێزگەها سلێمانیێ گوتی، داخاز ژ سەرۆک وەزیرێن عێراقێ کریە هەڤئاوایی خانەنشینێن عێراقێ ١٠٠ هزار دینارێن دەرمالەیا دەبارا ژیانێ بۆ خانەنشینێن هەرێمێ خەرج بکەت، سەرۆک وەزیرێن عێراقێ داخازیا وی پەسەند کر.

نووچەگەهانێ ئێن ئاڕ تی ڕاگەهاند، ل نێزیک ئۆڤەرپاسا کەلەکچی شوفێرێن تەنکەران خرڤەبوون و رێکا سەرەکیا دناڤبەرا دهۆکێ و هەولێر لهەمبەر ترۆمبێلێن بارهەلگر داخست.

سەقاناسیا هەرێمێ دبێژیت: ئەڤرۆ ئەسمان دێ ساهی بیت، پەلەیێن گەرمی ژی دێ داکەڤن، لێ بۆ سوبەهی پلەیێن گەرمێ جارەکا دی دێ رووی ل بلندبوونێ کەن.

داوی ب چاڤەڕێبوونا دەرچوویێن پۆلا ١٢ـێ هات و وەزارەتا خاندنا بلند ئەڤرۆ، ئەنجامێن وەرگرتنێ ل زانکۆ و پەیمانگەهان بۆ سالا خانا ٢٠٢٥ – ٢٠٢٦هاتنە راگەهاندن.

ئەندامەکێ لژنەیا پەتڕۆل و غازێ ل پەرلەمانێ عێراقێ و بەربژێرێ نەوەی نوێ دبێژیت، حکومەتا دەم بسەرڤەچووی دڤێت بهایێ پەتڕۆل و سوتەمەنیێ گرانتر بکەت و دبێژیت ژی، سەرۆک وەزیرێن عیراقێ ب گوتیە مە بەرهەڤن پەتڕۆل و سوتەمەنیێ ب بهایێ پشتەڤانیکری بۆ هەرێمی دابین بکەن ئەگەر ب وی مەرجی هەرێم ٥٠ هزار بەرمیلێ پەتڕۆلێ بۆ بهنێریت.

کۆمسیۆنا هەلبژارتنێن عێراقێ راگەهاند، زێدەتر ژ ئێک ملیۆن و ٣٠٠ هزار کارتێن دەنگدانێ بۆ هەلبژارتنا پەرلەمانێ عێراقێ دابەشکرینە و کارکرن ژی بۆ وان کارتێن کو نەهاتینە دابەشکرن بەردەوامە.

پشتی کو د چەند رۆژێن دەربازبووی دا بهایێ زێڕی ئاستەکێ دیروکی و گە‌شتیە سەر چار هزاران، ئەڤرۆ بەروڤاژی جارەکا دی بهایێ وی هەڤبەر دوهی ٧٠ دۆلاران بلندبوو، بهایێ مسقالەکا زێڕێ عەیار ٢١ ب ٨٥٥ هزار دیناران بازار پێ هاتەکرن، هەڤبەر دوهی زێدەتر ژ ٢٥ دۆلاران بلندبوویە.

ئەڤرۆ بهایێ بەرمیلەکا پەتڕۆلا خاڤا برێنت د بازارێن جیهانێ دا ب ٦٣ دۆلار و ٥٨ سەنتان بازار پێ دهێتە کرن.

سروە عەبدولواحید دبێژیت، سودانی گوتیە هنارتنا مووچەی هەر ٣٠ رۆژان جارەکێ یا گرێداییە ب هەناردەکرنا پەتڕۆلێ و رادەستکرنا ١٢٠ ملیار دینارایە.

ب بەرهەڤبوونا دۆنالد ترەمپ، سەرۆکێ ویلایەتێن هەڤگرتی یێ ئەمریکا و هژمارەکا سەرکردەیێن ولاتێن جیهانێ و ولاتێن عەرەبی، لوتکەیا شەرم شیخێ میسر بۆ ئاشتیێ دەستپێکر، ب مەرەما ئیمزا کرن لسەر رێکەفتنا ئاگربەستێ دناڤبەرا ئیسرائیل و ڤەلڤینا حەماس دا، بۆ داوی ئینان ب شەری ل غەززە.

دێ راهێنان ب ٢٣٠ هزار کارمەندێن کۆمسیۆنێ هێتەکرن بۆ هەلبژارتنا پەرلەمانێ عێراقێ کو د هەیڤا داهاتی دا دێ هێتە ئەنجامدان.

خاندنا بلندا هەرێمێ راگەهاند، هەمی بەرهەڤی هاتینە کرن و سوبەهی دێ ئەنجامێن زانکۆلاینێ هێنە راگەهاندن.