خۆراک کاریگەری لەسەر وزە و کارکردنی دروستی جەستە هەیە، هەروەها خواردنی خۆراکی تەندروست و هاوسەنگ کە هەموو پێکهاتە خۆراکییەکانی تێدایە گرنگە بۆ پاراستنی تەندروستی.

ماڵپەڕی " الطبي" لە بابەتێکیدا ئاماژەی بە گرنگترین جۆرەکانی خۆراک لە مانگی رەمەزاندا کردووە، بریتین لە:

١. شیر: سەرچاوەیەکی گرنگی کانزای پۆتاسیۆمە و یارمەتی زوو تێر بوون دەەدات لەگەڵ رێگری کردن لە زیاد بوونی کێش، قەڵەوی و کەمکردنەوەی کێشەکانی کۆئەندامی هەرس.

٢. ماست: یەکێکە لە هەرە خۆراکە گرنگەکان و دروست وایە رۆژووان بە درێژایی مانگی رەمەزان بیخوات چ کاتی پارشێویان دوو سەعات دوای بەربانگ.

٣.سپێناخ: یەکێکە لە بەسوودترین سەوزە گەڵاتۆخەکان و دەکرێت بە کوڵاوی یان بە شێوەی زەڵاتە یان وەک شله بخورێت .

٤. سەوزەوات: هەموو جۆرەکانی سەوزە بایەخی تایبەتی خۆیان هەیە چونکە دەوڵەمەندن بە ڤیتامینC ، B ، کانزای کالسێوم، پۆتاسیۆم، ماددە ریشاڵییەکان، ماددە دژە ئۆکسانەکان و بڕێکی زۆر لە ئاو.

٥.هێلکە: سەرچاوەیەکی گرنگی ماددە پڕۆتینەکانە و یارمەتی باشتر کارکردنی غوودەی دەرەقی دەدات لەگەڵ نەهێشتنی هەستی برسییەتی لە رۆژداو یەکێکە لە باشترین جۆرەکانی خۆراک لە پارشێو و لە کاتی رێجیم کردن .

S.A