ئاماژەی بەوەشکرد، "بۆ بەدواداچوون بۆ خراپیی میکانیزمی دابەشکردن و پێدانی موچەی خانەنشینان، لێژنەکە بڕیاریدا لێژنەیەکی لاوەکی پێکبهێنێت بۆ بەدواداچوونی پێشنیازەکانی چارەسەریی ئەو پرسە لە نزیکترین کاتدا، چونکە ئەوە پرسێکی گرنگە و پەیوەستە بە ژیانی هاوڵاتییانی کوردستانەوە."

ئەوەش لە کاتێکدایە، ماوەی سێ مانگ لەکاتی دابەشکردنی موچەدا؛ دابەشکردنی موچەی فەرمانبەران بەگشتی و خانەنشینان بەتایبەت گرفتی تێکەوتووە و بەبنیانووی نەبوونی پارە لە بانکەکاندا موچەیان پێنادرێت. هەر لە دابەشکردنی موچەی مانگی شوباتیشدا و لە ٢٠ی ئەم مانگە کە دەکاتە تەنها رۆژێک پێش جەژنی نەورۆز و یەکەم رۆژی ساڵی کوردی؛ سێ خانەنشین لە سەرەی موچەدا لە سلێمانی گیانیان لەدەستدا و دۆخی تەندروستی چەندین خانەنشینی دیکەش تێکچوو، کە دواتر بەهۆی خراپی تەندروستییەوە خانەنشینێکی دیکەش لە سنوری دهۆک گیانی لەدەستدا.

هەر ئەمرۆش لە سەرەی موچەی خانەنشینیدا؛ خانەنشینێکی دیکە لە سلێمانی گیانی لەدەستدا و خاوەنپێداویستییەکی تایبەتیش لە گەرمیان؛ بەهۆی ئەوەی موچەی پێنەدرا ئاگری لە ەستەی خۆی بەردا، بەڵام لەلایەن هاوڵاتیانەوە رزگارکرا و گیانی لەدەستنەدا.

دوابەدوای ئەوانەش، سەرۆکی دەستەی سەربەخۆی مافەکانی مرۆڤ لە هەرێمی کوردستان رایگەیاند، ئەو شێوازەی دابەشکردنی موچە لە هەرێمی کوردستان هەیە پێشلکاریییەکی زۆر گەورەی مافی مرۆڤە.

بڕیار جاف، گەرمیان

هـ.ئـ