سەرۆكی كۆمسیۆنی یەكێتی ئەوروپا لە پێگەی تایبەتی خۆی لە تویتەر رایگەیاند، ئەوان بە دوو جۆر هاوکاری پەنابەران دەکەن و ئەوانەش بریتین لە گەیاندنی هاوکاری مرۆیی و رێخۆشکردن بۆ گێڕانەوەی کۆچبەران بۆ وڵاتەکانی خۆیان.
ئۆرسوالا ڤۆندەر لاین سەرۆكی كۆمسێۆنی یەكێتی ئەوروپا رایگەیاند، لەگەڵ ئەنتۆنیۆ ڤیتۆرینۆ بەرپرسی پەنابەرانی نەتەوە یەكگرتووەكان لەبارەی كۆچبەرانی سنوری بیلاڕوسیا گفتوگۆیان كردووە و رایگەیاند، كۆمسێۆنی ئەوروپا بەردەوام دەبێت لە ھاوكاری و هەماهەنگی لەگەڵ كۆمسیۆنی پەنابەرانی نەتەوە یەكگرتووەكان بۆ پاراستنی ژیانی کۆچبەران و هەوڵدان بۆ ئەوەی بتوانن رێخۆش بکەن بۆ گەڕانەوەیان بۆ وڵاتەکانیان.
هەر ئەمڕۆ دووشەممە،
وەزارەتی دەرەوەی عێراق راگەیەنراوێکی بڵاوکردەوە و تیایدا هاتووە، فوئاد حسێن وەزیری
دەرەوەی عێراق و میگڵ بەرگر وەزیری دەوڵەت بۆ کاروباری دەرەوەی ئەڵمانیا "پێداگرییان
کرد لەسەر گەڕانەوەی کۆچبەرە گیرخواردووە عێراقییەکان لەسەر سنوری بیلاڕوسیا و پۆڵەندا
بۆ عێراق بەشێوەیەکی ئارەزومەندانە."
ئەمەش لە کاتێکدایە،
١٨ی ئەم مانگە وەزارەتى دەرەوەى عێراق ئاماژەى بەوەکرد، بەڵگەنامەى گەشتکردنى ٤٣٠
کۆچبەرى عێراقى گیرخواردووى سنورى بیلاروسیایان تەواوکردووە و گەڕێنرانەوە بۆ عێراق
و داواشیان لە هەموو کۆچبەرە عێراقییەکان کردووە بەشێوەی خۆویستانە بگەڕێنەوە.
ماوەی زیاتر لە
مانگێکە قەیرانی کۆچبەران لەسەر سنوری نێوان بیلاروسیا و پۆڵەندا دروستبووە و بەرپرسانی
یەکێتی ئەوروپاش سەرۆکی بیلاڕوسیا تۆمەتبار دەکەن بە بەکارهێنانی کۆچبەران وەک چەکێک
دژی یەکێتییەکە دوای ئەوەی سزایان بەسەردا سەپاندووە.