وەزارەتى دارایى هەرێم لە دابەشکردنى موچەى فەرمانبەران بەردەوامە و بڕیارە ئەمڕۆ موچەى شوێنێک دابەشبکرێت.
چاوگێک له وه‌زاره‌تی دارایی هەرێم بە ئێن ئاڕ تی رایگه‌یاند، ئەمڕۆ دووشه‌ممه موچه‌ی مانگی ١٠ی ده‌زگاى ئاسایش دابه‌ش ده‌كرێت.
چاوگەکە ئاماژەی بەوەشکردووە، بڕیارە ئەمڕۆ ٢٠٠
ملیار دینارەکەی بەغدا بۆ هەرێم بنێردرێت، بەوجۆرە لەم هەفتەیەدا تەواو شوێنەکان
موچە وەردەگرن.
لە رۆژى ٢٥ى مانگی رابردوودا، دابەشکردنی موچە
دەستیپێکرد هەر چەند بڕیاربوو دابەشکردنی موچەی تەواوی وەزارەتەکان لە ماوەی هەفتەیەدا
تەواو بێت، بەڵام پرۆسەکە بە سستی بەڕێوەدەچێت و تا ئێستاش بەردەوامە.
لە ٢٥ی مانگی رابردوودا، وەزارەتى تەندروستى وەک
یەکەم وەزارەت موچەى وەرگرت، دوابەدواى ئەوەش وەزارەتى پێشمەرگە و وەزارەتى پەروەردە
موچەیان وەرگرت، بەڵام تا ئێستاش چەندین وەزارەت و شوێن موچەیان وەرنەگرتووە.