سەردێڕ:

مالیکی نامەیەك ئاڕاستەی فراکسیۆنەکەی سەدر دەکات

PM:02:59:30/10/2021

6932 جار خوێندراوەتەوە

نوری مالیکی، سەرۆکی هاوپەیمانی دەوڵەتی یاسا نامەیەکی ئاڕاستەی فراکسیۆنەکەی سەدر کرد و داوای دانیشتن و کۆبوونەوەیان لێدەکات بۆ گەیشتن بە لێکتێگەیشتن بۆ پێکهێنانى حکومەتى نوێ.


ئەمڕۆ شەممە، سەرۆکی هاوپەیمانی دەوڵەتی یاسا رایگەیاند، حکومەتی داهاتوو پێویستە هەموو لایەنە سیاسیەکان لەخۆی بگرێت.

هاوکات، نامەیەکی ئاڕاستەی رەوت و فراکسێۆنەکەی موقتەدا سەدر کرد.

ئاماژەی بەوەشداوە، ''داوا لە رەوتی سەدەر دەکەین و هەموو ئەوانەشی کەلەگەڵیدان دابنیشن و گفتوگۆ بکەن نەك چاڵ بۆ یەکتر هەڵبکەنن.''

ئەوەشی خستوتەڕوو، سەدرییەکان ئامادەی کۆبوونەی بەپەلەن و تێگەیشتنیان هەیە و بایکۆتی هەڵبژاردنیان کرد و بە لەیەکتێگەیشتن هاتنەوە کایەی هەڵبژاردنەوە.

باسی لەوەشکردووە، ''لەسەر ئەو بنەمایە داوای دانیشتنیان لێ دەکەین و باوەڕمان وایە پێویستە حکومەتی داهاتوو هەموو لایەنە سیاسیەکان لەخۆی بگرێت".








گەلەری