سندوقی نیشتەجێبوونی سەر بە وەزارەتی ئاوەدانکردنەوە و نیشتەجێکردنی عێراق رایگەیاند، تەنها لە شەش مانگی یەکەمی ئەمساڵدا زیاتر لە ٧٣٦ ملیار دینار وەک پێشینەی خانوبەرە دراوە بە هاوڵاتییان.
ئەمڕۆ یەکشەممە، سندوقی نیشتەجێبوونی سەر بە وەزارەتی ئاوەدانکردنەوە و نیشتەجێکردنی عێراق راگەیەنراوێکی بڵاوکردەوە و تیایدا هاتووە، تەنها لە شەش مانگی یەکەمی ئەمساڵدا لە سەرتاسەری پارێزگاکانی عێراقم جگە لە هەرێم، بڕی ٧٣٦ ملیار و ٨٤٢ ملیۆن و ٩٠٠ هەزار دینار وەک پێشینەی خانوبەرە دراوە بە هاوڵاتییان.
ئاماژەی بەوەشداوە،
لەمانگی رابردوودا بڕی ١٥٥ ملیار و ٢٧٢ ملیۆن و ٥٠ هەزار دینار وەک پێشینەی خانوبەرە دراوە بە هاوڵاتییان.
راگەیەنراوەکە ئەوەشی
ئاشکرا کردووە، لە شەش مانگی یەکەمی ئەمساڵدا ٢١ هەزار و ٤٢٠ مامەڵەی ئەلیکترۆنی
بۆ وەرگرتنی پێشینەی خانوبەرە قەبوڵکراوە، لە مانگی رابردووشدا سێ هەزار و ٨٢٨
مامڵەی ئەلیکترۆنی قەبوڵکراوە.
ئەوەشی خستووەتەڕوو، لە
شەش مانگی یەکەمی ئەمساڵدا ٣٣ هەزار و ٤١ مامەڵەی دروستکردنی خانوبەرە کەشفی بۆ
کراوە و لە مانگی رابردووشدا پێنج هەزار و ٩٨١ مامەڵە کەشفی بۆکراوە.
ئەمە لەکاتێکدایە، لە ساڵی
٢٠١٢ ەوە لە هەرێمی کوردستان بە بیانوی دابەزینی نرخی نەوت و شەڕی داعش و ئەو
قەیرانە ئابوری و داراییەی رووی لە هەرێم کرد، حکومەتی هەرێم سەرجەم پێشینە جۆراوجۆرەکانی
راگرت. لە ئێستادا لە شەڕی داعش کۆتایی هاتووە و داهاتی نەوتی و نانەوتی و ناوخۆ
و خاڵە سنورەکان بەشێوەیەکی بەرچاو
زیادیان کردووە و مانگانە حکومەتی فیدڕاڵیش بڕی ٢٠٠ ملیار دینار بۆ موچەی
فەرمانبەران دەنێرێت، هێشتا حکومەتی هەرێم دەستی بە پێدانی پێشینەکان
نەکردووەتەوە.