PM:11:49:15/05/2022
12092 جار خوێندراوەتەوە
چاوگێکی ئەمنی رایگەیاند، کەمیک بەر لە ئێستا داعش لە سنوری گوندی ئەبو خەناجری نزیک ناحیەی ریاز لە باشوری رۆژئاوای کەرکوک هێرشێکی ئەنجامداوە و دوو کوژراوی لێکەوتووەتەوە.
چاوگێکی ئەمنی بە ماڵپەڕی بەغداد ئەلیەومی راگەیاندووە، رووبەڕووبوونەوە لەنێوان هێزە ئەمنییەکانی ناوچەکە کە پۆلیسی فیدراڵی بوون لەگەڵ چەکدارانی داعش روویداوە و بەو هۆیشەوە کارمەندێکی پۆلیس و چەکدارێکی داعش کوژراون.
چاوگەکە ئاماژەی بەوەشکردووە، هەر ئەمڕۆ چەکدارانی داعش هێرشیان کردووەتە
سەر بنکەی لیوای دووی سەر بە پۆلیسی فیدڕاڵی لە نێوان داقوق و دۆڵی زەغیتوون لە
پارێزگای کەرکوک.
چاوگەکە باسی لەوەشکردووە، هێزەکانی پۆلیسی فیدڕاڵی بەرپەچی هێرشەکەیان
داوەتەوە و لە رووبەڕووبوونەوەکاندا دوو چەکداری داعش کوژراون.
