AM:09:33:07/07/2022
240 جار خوێندراوەتەوە
+
-
ئاژانسا رۆیتەرز بەلاڤکریە، سیمۆن هارت کو
پۆستێ وەزیرێ دەرڤەیێ وێلز بریڤەدبر دەست ژ کاری کێشا.
سیمۆن هارت، پەرلەمانتارێ پارتیا پارێزگارێن
بەریتانیایە و د هەیاما دەربازبووی دا وەکی وەزیرێ دەرڤەیێ هەرێمێ وێلز کار کریە و
د دەرەنگیا شەڤا چارشەمبی دا نامەیا دەست ژ کارکێشانا خۆ پێشکێش کریە و چوویە دگەل
نەرازیێن دژی جۆنسن.
د نامەیا وی دا هەڤپێچی دەست ژ کارکێشانێ
کریە، نەرازیبوونا خۆ لسەر برێڤەبرن و سەرکردایەتیا جۆنسن دیارکریە و نڤێسایە، "هەڤکارێن وی
هەمی بزاڤ کرینە ب ئاویەکێ تایبەت و گشتی بۆ وێیەکێ هاریکاریا تە بکەن کەشتیێ
بێخنە سەر رێرەوێ خۆ، لێ جهێ داخێ یە هەست پێ دکەم، مە ئەو خالە دەربازکریە بشێین
کارەکێ وەسا بکەین".
پشتی ل رۆژا پێنجی ڤێ مەهێ هەردوو وەزیرێن
ساخلەمی و دارایی د حکومەتا جۆنسن دا دەست ژ کاری کێشان و رۆژا شەشی ڤێ مەهێ ژی
ویل کوینس وەزیرێ کاروبارێ خێزان و زارۆک و لۆرا تروت یاریدەدەرێ وەزیرێ
ڤەگۆهاستنێ دەست ژ کاری کێشان.
هەڤدەم، لگۆرەی نووچەیەکێ رۆژنامەیا
فاینانشەل تایمز ٣٠ بەرپرسێن حکومەتا بۆریس دەست ژ کاری کێشان.