AM:11:09:04/07/2022
8504 جار خوێندراوەتەوە
+
-
رۆپەلێ مافێ مرۆڤی هەنگاو کوشتنا کچەکێ بەلاڤکریە کو ل هەولێرێ دژیا و کارێ مۆدێلێ دکر، ئەو ژ سەردەشتا رۆژهەلاتێ کوردستانێ هاتبوو؛ لێ ژ ئالیێ هەڤژینێ وێ هاتە کوشتن.
فاتما زراعی یا ٢٣ سالی یا ب ناڤێ "ژیلا" بەرنیاس، ئێکشەمبیا حەفتیا دەربازبووی ژ ئالیێ هەژڤینێ وێ ڤە هاتە کوشتن، هەر لدویف نووچەیێ وی رۆپەلی، تەرمێ فاتمایێ ل قەلادزێ و ب بێ پشکداریا خێزانا وێ هاتە ڤەشارتن.
چیرۆکا بوویەر بۆ چەند سالان بەریا نها ڤەدگەڕیێت، هەڤژینێ فاتمایێ بەری سێ سالان کوڕەکێ ٢٠ سالی کوشتیە، بەحسا وێ یەکێ دکر و گوتیە پەیوەندی دگەل هەڤژینا وی هەبوو. هەر د هەمان بوویەرێدا فاتما ژی ب چەقۆیێ هاتبوو بریندارکرن.
پشتی وێ بوویەرێ و دەرکەفتنا فاتیمایێ ژ نەخۆشخانێ، بەرەف باژێرێ هەولێرێ دهێت ب مەرەما ژیانێ و دەست ب کارێ مۆدێلێ دکەت، پشتی دەمەکی هەڤژینێ وێ جهێ ئاکنجبوونا وێ دزانیت، دچیتە وی جهی و دووبارەی چەقۆیێ ل ملێ فاتمایێ ددەت.
رۆپەلێ هەنگاو ڕاگەهاندیە، پشتی دەربازبوونا حەفتیەکێ بسەر کوشتنا فاتمایێ، لێ هەیا نها پۆلیسێن هەولێرێ چ زەلالکرنەک لسەر بوویەرێ بەلاڤنەکریە و هێشتا هەڤژینێ فاتمایێ ژی نەهاتیە دەستەسەرکرن.
فاتما خۆدانا کوڕەکێ چارسالی بوو و د نهادا لدەف دەیکا هەڤژینێ وێ دژیت ل باژێرێ ئورمیێ.