PM:03:12:02/07/2022
548 جار خوێندراوەتەوە
+
-
جێگرێ سەرۆکا پەرلەمانێ کوردستانێ ڕاگەهاند،
زێدەباری هەمی ئەو بزاڤێن دهێنەکرن بۆ لێک نێزیکبوونا ئالیان، لێ ئەنجامەکێ وەسا
بدەستڤە نەهاتیە''. دبێژیت ژی، "ئەگەر هەمی ئالی ژی لهەڤبهێن، نەشێن هەلبژارتن
ددەمێ خۆ دا ب رێڤە بچن".
ئەڤرۆ شەمبیێ، هێمن هەورامی جێگرێ سەرۆکا
پەرلەمانێ کوردستانێ د کۆنفڕانسەکێ رۆژنامەڤانی دا ئاماژە ب وێیەکێ کر، هەلبژارتن
بۆ حزبێن سیاسی دبیت و حزبان ژی بوچوونێن جودا لسەر یاسا هەلبژارتنان و کۆمیسیۆنێ و
شیوازێ بازنەیان هەیە''.
دیارژیکریە، پەرلەمانی نەڤێت ببیتە سەدەمێ
تێکدانا ڕەوشا سیاسیا کوردستانێ، پەرلەمان رەهەندێ سیاسی بەرچاڤ دکەت و بتنێ رەهەندا
سیاسی دگریتەبەر''.
هێمن هەورامی بەحسا وێیەکێ ژیکریە، ل ٣ی
تشرینا دووێ ٢٠٢١ وەرە پەرلەمانی هەمی بزاڤ خورتکرینە و چەندین مەهان ژی زنجیرەیەکا
روونشتنان دگەل سەرۆک فڕاکسیۆنان ئەنجامدایە بو هندێ داکو د ناڤ پەرلەمانی دا
بزاڤان بکەن ئالیێن سیاسی و یاسایێ بگەهیننە ئەنجامەکێ، بەلێ دناڤ پەرلەمانی دا
نەشیان وی کاری بکەن.
ئاماژە ب وێیەکێ ژیکریە، سەرۆکایەتیا
هەرێما کوردستانێ و ب رێکا پەیوەندیێن مە د گەل حزبێن سیاسی و ب جڤینان دگەل
مەکتەبێن سیاسی، بزاڤ هاتنکرن ب بەژداریا نوینەرێ تایبەتێ سکرتێرێ گشتی و نەتەوێن هەڤگرتی
لهەڤنێزیکبوونەکا سیاسی دروست ببیت ژبوی وێیەکێ بشێن لهەڤ نێزکبوونێ وان ژی مسۆگەر
بکەن".
راگەهاند ژی، ''راستە رووینشتن هەبوویە،
بەلێ لێکنێزیکبوونەکا سیاسیا وەسا کو ببیتە ئەگەرێ هندێ هەلبژارتن بهێتە ئەنجامدان،
بجی نەهاتیە؛ ئەڤە عەیبەکا مەزنە بۆ هەمی حزبێن سیاسی و هەمی فراکسۆنان و خەلکێ
کوردستانێ ژی نەشێن هەلبژارتنان ددەمێن خودا ئەنجام بدەن".
هێمن هەورامی دەربارەی هندێ هەیا نها ئالی
لسەر چ خالان لهەڤهاتنە دبێژیت، "لهەڤنێزیکبوونەک هەیە لسەر وێیەکێ ئەڤ
هەلبژارتن هەیا بشێن شەفاف بن بۆ وێیەکێ ژی تۆمارەکێ بکار بئینن کو زۆربەیا هەرە
زۆرا بەژداربوویێن سیاسی باوەرێ ژێ بکەن، ئەو ژی تۆمارا بایۆمەترییا دەنگدەرێن
هەلبژارتنێن پەرلەمانێ عێراقێ یە کو ل مەها ١٠ سالا ٢٠٢١ێ هاتیە ئەنجامدان".
جێگرێ سەرۆکا پەرلەمانێ کوردستانێ
دەرابارەی پرسا پێکهاتان ڕاگەهاند، "ل سەرۆکاتیا پەرلەمانی ب دیتنا مە پرسا
پێکهاتان دڤێت خۆ بڕیارێ لسەر بدەن کو نوینەراتیێن وان چەوا دڤێت؛ ئەرێ دڤێن
نوینەرێن وان بهێنە کێمکرن؟ کوردستان ئێک بازنەی بیت بۆ نوینەراتیێن وان یان
دخوازن دابەش بکەن بسەر بازنەیێن پارێزگەهاندا؟ هەیا نها ئەو بابەتە نەهاتیە ئێک
ئالی کرن".
ئەو ژی د دەمەکێ
دایە، بڕاربوو ئەڤ سالە ل دەستپێکا مەها ١٠ هەلبژارتن بۆ خولا شەشێ یا پەرلەمانێ
کوردستانێ بهێنە ئەنجامدان، لێ ژبەر لهەڤنەهاتنا ئالیان لسەر یاسایا کۆمسیۆنا هەلبژارتنان
و کاراکرنا کۆمسیۆنێ، پێشبینی دهێتەکرن دەمێ بریڤەچوونا هەلبژارتنان بهێتە پاشخستن.