PM:02:03:02/07/2022
1180 جار خوێندراوەتەوە
+
-
پشتی گڤاشتنێن میدیا و
سوشیال میدیایێ و نەرازیبوونا بەرفرەها وەلاتیان ل هەمبەر بڕیارا ڕاگرتنا مامۆستا
شڤان حەمودی ژ کارێ گوتاربێژیێ؛ رێڤەبەریا ئەوقافا پارێزگەها دهۆکێ لسەر بڕیارا خۆ
لێ ڤەبوو. ناڤهاتی ژی دبێژیت، " بێی کو لێبورینێ بخازم ڤریمە سەر کارێ خۆ".
مەلا شڤان حەمودی
گوتاربێژێ مزگەفتا ملحەم محێ ل دهۆکێ بۆ ئێن ئاڕ تی ڕاگەهاند، ئەڤرۆ رێڤەبەریا
گشتیا ئەوقافێ پەیوەندی پێکریە و ئەو هایدارکریە کو ئەوی دکاریت دەست ب کارێ خۆ یێ
گۆتاربێژیێ بکەت.
دەربارەی مەرجێ رێڤەبەریا
ئەوقافێ بۆ ڤەگەریانا مامۆستا شڤانی بۆ سەر کارێ وی کو داخازا لێبورینێ بکەت، ناڤ
هاتی دبێژیت، وی لێبورین ژ چ کەسا نەخواستیە و ئەوان بخۆ ئەو هایدارکریە ڤەگەریتە
سەر کارێ خۆ.
دبەشەکێ گوتنێن خۆ دا دبێژیت ژی، "گڤاشتنێن
خەلکی کاتێکرنێن مەزن هەنە، ئەڤە گرێدای هەست و دینێ وانا یە"، هەڤدەم دبێژیت
ژی، "میمبەر نەیا چ کەس و چ ئالیایە و مولکێ موسلمانیە و جهێ پێغەمبەری یە، دڤێت
ڕاستی لێ بهێتە گوتن بەرۆڤاژی وێ ژی دێ پیرۆزیا خۆ ژ دەست دەتن".
دەربارەی سازیێن حکومی ژی دبێژیت، "ڕاوەستاندنا
مەلایی ژ گوتنا دینێ حەق و ڕاستیێ نە چارەسەری یە، بەلکو پێتڤیە ئەم لسەر وێ چەندێ
ب ڕاوەستین کو دڤێت چەوا چارەسەریێ بۆ ڤان ئاریشان ببین و دیڤچوونا وی تشتی بکەین
یێ بەحس لێ دهێتەکرن".
ئەڤە د دەمەکێ دایە،
دوهی ئەینی مەلا شڤان حەمودی گوتاربێژێ مزگەفتا ملحەم محێ ل سەنتەرێ باژێرێ دهۆکێ
بۆ ئێن ئاڕ تی گوتبوو، ژئالیێ رێڤەبەریا گشتیا ئەوقافێ ڤە بۆ هەیامەکێ ئەو ژ کارێ
گوتاربێژیێ هاتیە ڕاگرتن بێی کو سەدەمان بزانیت.
هەڤدەم، پشتڕە محەمەد خالد
رێڤەبەرێ گشتیێ ئەوقافا پارێزگەها دهۆکێ ئاشکراکر، ئەو مهلایە خهلهت ئاخفتى یه
و رەمزێن نشتیمانێ بێ بھاکرینە و حکومەت توهمەتبارکریە و ڤێت لێبورینێ بخازیت هەیا
کو ڤەگەریت سەر کارێ خۆ.
و.ح
بڕیار نێروەی، دهۆک