PM:07:31:01/07/2022
656 جار خوێندراوەتەوە
+
-
دەستەیا حەج و عومرا عێراقێ ڕاگەهاند، دوو
حەجیێن دی یێن عێراقێ ل باژێرێ مەککەها سعودیە ل دەما بجی گەهاندنا فەیرزا حەجێ
ژیانا خۆ ژ دەستدان.
دەستەیا حەج و عومەرەیا عێراقێ د
ڕاگەهاندنەکێ دا بەلاڤکریە، دوو حەجیێن دی یێن عێراقێ، کو ئێک ژ وان خەلکێ
بەغدایە؛ ل مەککەها پیرۆز ژیانا خۆ ژ دەستدانە.
د ڕاگەهاندنێ دا ئاماژە ب وێیەکێ ژیکریە، ئەو
دوو حەجیە ئێک ژ وان ب ڕەگەزێ نێرە و یا دی ژی رەگەزێ مێ یە.
دیارژیکریە، ئەو حەجیێ ب ڕەگەزێ نێر ناڤێ وی
"تارش جاسم بەیزانی"ە و ژیێ وی ٤٣ێ سالە و ژبەر جەلتا دلی ژیانا خۆ ژ
دەستدایە. حەجیایا دی ژی ناڤێ وێ "عەواتف نەعیم"ە، و ئاکنجیا پارێزگەها
موسەنایە، ژیێ وێ ٦١ سالە، کو ئەوێ ژی ژبەر جەلتا دلی ژیانا خۆ ژ دەستدایە پشتی
مانا وێ بۆ هەیاما چەند رۆژان ل نەخۆشخانێ.
دەربارەی ب ئاخێ سپاردنا وان ژی دیارکریە،
مالباتێن وان دوو حەجیان داخازکریە تەرمێ وان ڤەگەریننە عێراقێ و ب ئاخێ بهێنە
سپاردن. بەرچاڤژیکریە، هەمی بەرهەڤی بۆ ڤەگەراندنا تەرمێ وان هاتینە کرن.
ئەڤە ژی د دەمەکێ دایە، د هەیاما دەربازبووی
دا حەجیەکێ دی یێ عێراقێ ژی ل مەککەهێ و ل دەما بجی گەهاندنا فەریزا حەجێ ژیانا خۆ
ژ دەستدایە.