AM:08:32:26/05/2022
1128 جار خوێندراوەتەوە
+
-
نڤیسینگەها سەرۆکێ حکومەتا هەرێما کوردستانێ
ڕاگەهاند، ژبەر نەجێگریا ڕەوشا ساخلەمیا وی؛ وەزیرێ سامانێن سروشتی ل حکومەتا
هەرێمێ دەست ژ کاری کێشایە و سەرۆکێ حکومەتێ ژی پەسەندکریە.
دبێژیت ژی، "وەزیرێ کارەبێ هاتیە ئەرکدارکرن کاروبارێن وەزارەتا سامانێن سروشتی
برێڤە ببەت".
ئەڤرۆ پێنجشەمبی، نڤیسینگەها سەرۆکێ حکومەتا
هەرێما کوردستانێ ڕاگەهاندنەک بەلاڤکر و تێدا هاتیە، ژبەر نەجێگریا ڕەوشا ساخلەمیا وی؛ کەمال ئەتروشی وەزیرێ سامانێن سروشتی ل حکومەتا هەرێمێ دەست ژ کاری
کێشایە و سەرۆکێ حکومەتێ ژی پەسەندکریە.
ئاماژە ب وێیەکێ ژیکریە، نها دووبارە وەزیرێ
سامانێن سروشتی ب مەرەما چارەسەریێ، دخوازیت سەرەدانا دەرڤە بکەتن و پرۆسەیا
چارەسەریێ دەمەکێ زێدەتر پێتڤیە، ژبەر وێیەکێ ب خواستا خۆ دەست ژکاری کێشایە.
د ڕاگەهاندنەکێ دا هاتیە، بۆ وێیەکێ
بەرهەڤنەبوونا کەمال ئەتروشی کارتێکرنەکا نەرێنی لسەر کاروبارێن وەزارەتێ نەبیت،
مەسرور بارزانی سەرۆکێ حکومەتێ دەست ژ کارکێشانا وی پەسەندکریە و بڕیار دایە کو
وەک شێورمەندێ سەرۆکێ حکومەتێ بۆ کاروبارێن وزێ. لدیڤ شیان و ڕەوشا خۆیا ساخلەمیێ،
دخزمەتکرنێ دا بەردەوام بیت.
دبێژیت ژی، دهەمان دەمی دا کەمال محەمەد سالح
وەزیرێ کارەبا هەرێمێ هاتیە ئەرکدارکرن، ب وەکالەت کاروبارێن وەزارەتا سامانێن سروشتی
بریڤە ببەت.