PM:05:33:23/02/2022
11428 جار خوێندراوەتەوە
+
-
ئەو مرۆڤێن ژ مرنێ نزیکبوونە گەلەک جاران بەحسا
وێیەکێ دکەن دوی دەمیدا هەمی بیرەوەریێن ژیانا وی هاتینە پێش چاڤێن وی وەکی فلمەکی
ژیانا خۆ دیتیەڤە، ئەڤەژی ب زانست هاتیە سەلماندن.
ڕوپەلێ ئەتڵەس نیوس بەلاڤکریە، بۆ جارا ئێکێ
زانا شیاینە چالاکیێن مێشکێ مرۆڤی پشتی مرنێ تۆمار بکەن.
ئاماژە ب وێ چەندێ ژی کریە، ڤەکۆلەران چاڤدێریا
پێلێن مێشکێ زەلامەکی کریە د ژیێ ٨٧ سالیێ دا کو توشبوویێ نەخۆشیا فێ (سەرع) بوو و
ب ڕێکەفت وی نەخۆشی ژیاناخۆ ژدەستدا.
ئەو یەکژی ئاشکەراکریە، زانا شیاینە دەمێ ١٥ خۆلەکان
پشتی ژیان ژدەستدانێ چالاکیێن مێشکێ وی نەخۆشی تۆماربکەن.
بۆ زانایان دەرکەفتیە، ٣٠ چرکەیان پشتی مرنێ دلێ
مرۆڤی ژ کاردکەڤیت و پشتی وێژی ئێک ژ پێلێن مێشکی کو دبێژنێ پێلێن گاما چالاک دبن
و بۆ دەمێ ١٥ خۆلەکان بەردەوام دەبیت.
زانایان ئەویەکژی دایە دیارکرن، پێلا گاما جۆرە
پێلەکا مێشکێ مرۆڤیە کو بەرپرسە ژ ڤەگەڕاندنا بیرەوەری و خەون دیتنێ.
ژ ئالیێ خۆڤە ژی، ئەجمەل زیمار سەرپەرشتیارێ وێ
ڤەکۆلینێ ڕاگەهاند، دەمێ پێلێن گاما چالاک دبن د مێشیکدا گرنگترین بیرەوەری و بوویەرێن
ژیانێ لبیرا وی دئینیت، گۆتژی، ئەڤ دیتنە دێ هاریکاریا مەکەت بزانین د دەمێ مرنێ دا
چ ب مێشکێ مرۆڤیدا دهێت.