PM:09:03:28/01/2022
1040 جار خوێندراوەتەوە
+
-
ئەڤرۆ جارەکادی ب
مووشەکان هێرش بۆ سەر بالەفڕخانەیا بەغدا هاتەکرن، دوێ دەربارێ دا موقتەداسەدری
پەیامەک بەلاڤکر و گۆت، گەل و نشتیمان هێلا سۆرن.
مەقتەدا سەدرێ ڕێبەرێ
ڕەوتا سەدر دەستنڤیسەکا خۆ ب ڕەنگێ سۆر بەلاڤکر و دناڤدا نڤیسیە، "هێرشێ نەکەنە
سەر بەرژەوەندیێن گەلی، ژبەرکو گەل و نشتیمان هێلین سۆرن".
سەدری ئاماژە ب وێ
چەندێ ژی کریە، گرێدای گۆتنا خۆنە کو حکومەتەکا زۆرینەیا نشتیمانییە دگەل هەڤبەشێن
نشتیمانی.
پێشتر ژی، کڤاناهەڤبەندیێ
ئەو هێرشا هاتیەکرن بۆسەر بالەفڕخانەیا بەغدا شەرمزارکر و داخاز ژی ل هێزێن سیاسی
کر، ژهەڤدوو نزیک بن و ئێک ڕێزبن و دویر بکەڤن ژ پشتگوهـ هاڤێتنا ئالیێن ناڤخۆیی و
پشت بەستن ب هێزێن دەرڤەی ولاتی، ژبەرکو ئەڤە دەرفەتەکە بۆ دوژمنان بۆ یاریکرنێ ب
ئەولەهی و سەروەریا نشتیمانی وەکی کڤانا هەڤبەندی دبێژیت.
ئەڤرۆ ئەینی شەش
مووشەک هاتنە ئاراستەکرن بۆسەر بالەفڕخانەیا بەغدایا نێڤدەولەتی و ب بالەفڕێن بێ
بالەفڕڤان ژی هێرشکرە سەر بنگەهێ سەربازیێ ڤیکتۆریا دناڤ بالەفڕخانێ دا.
لسەر وێ هێرشێ، مستەفا
کازمی سەرۆکوەزیرێن عێراقێ و فەرماندەیێ گشتیێ هێزێن چەکدارێن عێراقێ ڕاگەهاند، ب
مووشەکان هێرشکرنە سەر بالەفڕخانەیا نێڤدەولەتیا بەغدا بزاڤەکا نوویە بۆ ناڤزڕاندنا
ناڤ و دەنگێ عێراقێ.
سەرۆکایەتیا هەرێما
کوردستانێ ژی، د ڕاگەهاندنەکێ دا بەلاڤکر، هێرشا سەر بالەفڕخانەیا نێڤدەولەتیا بەغدا
شەرمزاردکەین و ئاماژە ب وێیەکێ ژی کریە، بزاڤێن دروستکرنا ئالۆزی و تێکدانا ئارامیێ
وەکی بزاڤەکا مەترسیدار دبینن و پێتڤیە بەرۆک ژێ بهێتەگرتن.
هەڤپەیمانیا نێڤدەولەتیا
دژی داعشێ ژی گۆت، کو ئەو هێرشە ژئالیێ گروپێن
چەکدارێن ژیاسایێ دەرچوویێن عێراقێ ڤە هاتیەکرن.