سەرنووچە:

کازمی دەربارێ هێرشکرنا سەر بالەفڕخانەیا بەغدا هاتە دەنگ

PM:06:26:28/01/2022

520 جار خوێندراوەتەوە

+ -

مستەفا کازمی سەرۆکوەزیرێن عێراقێ و فەرماندەیێ گشتیێ هێزێن چەکدارێن عێراقێ ڕاگەهاند، ب مووشەکان هێرشکرنە سەر بالەفڕخانەیا نێڤدەولەتیا بەغدا بزاڤەکا نوویە بۆ ناڤزڕاندنا ناڤ و دەنگێ عێراقێ.

ئەڤرۆ ئەینی، نڤیسینگەها ڕاگەهاندنا سەرۆکوەزیرێن عێراقێ د ڕاگەهاندنەکێ دا بەلاڤکر، بالەفڕخانەیا بەغدا ڕاستی کردارەکا چەکداری بوویە و مەرەم ژێ لێدان بوویە ژ ئەولەهیا خەڵکی و وڵاتی و شیان و بەرژەوەندیێن وێ.

هەڤدەم، سەرۆکایەتیا هەرێما کوردستانێ ژی، د ڕاگەهاندنەکێ دا بەلاڤکر، هێرشا سەر بالەفڕخانەیا نێڤدەولەتیا بەغدا شەرمزاردکەین و ئاماژە ب وێیەکێ ژی کریە، بزاڤێن دروستکرنا ئالۆزی و تێکدانا ئارامیێ وەکی بزاڤەکا مەترسیدار دبینن و پێتڤیە بەرۆک ژێ بهێتەگرتن.

د ڕاگەهاندنا سەرۆکایەتیا هەرێمێ دا بەحسا وێ چەندێ ژی هاتیە کرن، هەبوونا گەف و مەترسیان لسەر بالەفڕخانەیان دێ کارتێکرنەکا خراب لسەر ناڤ و پێگەهێ عێڕاقێ هەبیت لسەر ئاستێ جیهانێ.

سپێدەهیا ئەڤرۆ ئەینی، شەش موشەک ئاراستەی بالەفڕخانەیا بەغدا یا نێڤدەولەتی هاتنەکرن و ب بالەفڕێن بێ بالەفڕڤان ژی هێرشکریە سەر بنگەهێ سەربازیێ ڤیکتۆریا ل ناڤ بالەفڕخانێ.

هەڤپەیمانیا نێڤ دەولەتی د ئێکەم کارڤەدان دا دەربارێ هێرشا سەر بالەفڕخانەیا بەغدایا نێڤدەولەتی و بنگەهێ سەربازیێ ڤیکتۆریا ڕاگەهاند، گروپێن چەکدارێن ژیاسایێ دەرچوویێن عێراقێ جارەکادی بالەفڕخانەیا نێڤدەولەتیا بەغدا كریە ئارمانج.

گەلەری