سەرنووچە:

ئەمریکا بۆ وەلاتیان: ب لەز ڤی وەلاتی بجهبهێلن

PM:12:59:27/01/2022

1588 جار خوێندراوەتەوە

+ -

ئەمریکا وەلاتیێن وەلاتێ ئۆکرانیا هایدارکرینە، بلەز ئاخا ئۆکرانیا بجهبهێلن.

کریستینا کێڤن بالیۆزێ ئەمریکا ل کیێڤ د ڕاگەهاندنەکێدا وەلاتیێن ئۆکرانیا هایداردکەت پێتڤیە ب زوویترین دەم ئاخا ئۆکرانیا بجهبهێلن و ب تایبەتی کەسوکارێن فەرمانبەرێن بالیۆزخانەیا.

بالیۆزێ ئەمریکا بەحسا وێیەکێ ژی کر، ئۆکرانیا د رەوشەکا نە ئاساییدا دەربازدبیت و چ گرنتیەک نینە لسەر پاراستنا گیانێ وەلاتیان ئەمریکی و خێزانێن فەرمابەرێن ناڤ بالیۆزخانەیا ئەمریکا.

هەڤدەم، وەزارەتا بەرەڤانیا روسیا ڕاگەهاند، چەند یەکەیێن سەربازی بۆ ئەنجامدانا مانۆڕێن سەربازی هنارتیە دەڤەرا رۆستۆڤ یا نێزیکی سنورێن ئۆکرانیا، کو تێدا یەکەیا سەربازیا ئۆپراسیۆنێن دوویر مەودا تاقی دکەن.

ڕاگەهاند ژی، زێدەتر ژ ٢٠ کەشتیێن جەنگی ب مەرەما ئەنجامدانا مانۆرا سەربازی چووینە دەریایا رەش و ژ مەها کانونا دووێ و شوباتێدا دێ مانۆڕا سەربازی ئەنجامدەن.

ئالوزیێن روسیا و ئۆکرانیا ددەمەکیدانە، روسیا داخازدکەت ئۆکرانیا نەبیتە ئەندام د هەڤپەیمانیا ناتۆدا و دبێژیت، هێزێن سەربازیێن هەڤپەیمانیا ناتۆ ل نێزیکی سنورێن وەلاتێ وان گەفن بۆ سەر ئاسایشا مۆسکۆ، ئەمریکا و هەڤپەیمانێن وێ ژی دبێژن، ئەگەر روسیا هێرشبکەتە سەر ئۆکرانیا دێ هەڤکاریا ئۆکرانیا کەن.

گەلەری