PM:03:39:23/01/2022
2680 جار خوێندراوەتەوە
+
-
رێڤەبەریا سەقاناسیا هەرێمێ ڕاگەهاند، سوبەهی ل پارێزگەها دهۆک و پشکەک ژ دەڤەرێن چیایێن سنورێ پارێزگەها هەولێرێ بارانا هویر دگەل بەفرێ دێ باریت. دبێژیت ژی، "بۆ دەمێ چەند دەمژمێران سەقایەکێ نەجێگیر بۆ دەمەکێ کورت دێ وان دەڤەران ڤەگریت".
ئەڤرۆ رۆژا ئێکشەمبی، رێڤەبەریا سەقاناسیا هەرێمێ ڕاگەهاندنەک بەلاڤکر و تێدا هاتیە، ئەڤرۆ ل پشکەک ژ دەڤەرێن هەرێمێ دێ ئەسمان ساهی و پارچەیێن عەڤری بیت.
ئاماژە ب وێیەکێ ژی کر، سوبەهی ئەسمانێ هەرێمێ دێ ساهی و پارچێن عەڤری بیت و ل هندەک دەڤە دێ نیڤ عەڤر بیت.
دیارکر ژی، سوبەهی ل سنورێ پارێزگەها دهۆکێ و پشکەک ژ دەڤەرێن چیایێن سنوریێن پارێزگەها هەولێرێ دێ بارانا هویر تێکەل دگەل بەفرێ باریت.
دبێژیت ژی، "بۆ دەمێ چەند دەمژمێران سەقایەکێ نەجێگیر بۆ دەمەکێ کورت دێ وان دەڤەران ڤەگریت".
ئەڤرۆ ژی، رێڤەبەریا گشتیا سەقاناسی و ئەردهەژێن هەرێمێ نزمترین پلەیا گەرمێ یا هاتیە تۆمارکرن ئەڤرۆ ل قەزایا پنجوین بوو کو ٢٥ پلەیێن سلیزی د بن سفرێدا بوو.
لدویف نەخشەیێ رێڤەبەریا گشتیا سەقاناسیێ، پشتی پنجوین، ماوەت ب ١٤ پلەیان د بن سفرێدا و بازیان ب ١٢ پلەیان د بن سفرێدا و سۆران ب ١١ پلەیان د بن سفرێدا و بارزان ژی ب ١٠ پلەیان د بن سفرێدا دهێن.
ئەڤە ددەمەکیدایە، نزمترین پلەیێن گەرمێ یا تۆمارکری ل باژێرێن هەرێمێ ب ڤی رەنگی بوو،هەولێر ٢ پلە دبن سفرێدا، سلێمانی ٦ پلە دبن سفرێدا، دهۆک ٣ پلە دبن سفرێدا، هەڵەبجە ٦ پلە دبن سفرێدا، کەرکوک ئێک پلە دبن سفرێدا.