سەرنووچە:

دەربارەی گرتیخانەیێن عێراقێ رێنمایێن توند دهێنە دان

AM:08:54:23/01/2022

424 جار خوێندراوەتەوە

+ -

عێراق دەربارەی وان گرتیخانەیێن چەکدارێن داعش و سەرکردەیێن وان تێدا هایداری و رێنمایی دەرخستینە و رێکار دێ هێنە توندکرن داخاز هاتیە کرن گەلەک هشیاری هەبیت.

میدیایێن عێراقێ ژ زارێ چەند ژێدەرێن ئەولەکاری زانیاری بەلاڤکرن، رێکارێن ئەولەکاریێن بلند هاتینە دەرکرن بۆ توندکرنا زێرەڤانیا وان گرتیخانەیێن سەرکردە و گرتیێن ئەندامێن داعش تێدا.

ئاماژە ب وێ یەکێ ژی هاتیە کرن، رێکارێن توند ل گرتیخاەیێن (تاجی، الکفل، الحوت) گرتینە بەر.

هەڤدەم، دەرخستنا ڤان رێنمایان پشتی هێرشکرنا سەر گرتیخانا (غوێران) ل حەسەکەیا باکورێ کوردستانێ و رەڤینا ئەندامێن داعش دهێت کو هەیا نها شەڕ بەردەوامە و هەیا نها پشکەک ژ ئەوێن رەڤین نە دەستەسەرکرینە و پشکەکا دی هێشتا د شەڕیدانە دگەل هێزێن سوریا دیموکرات هەسەدە.

ئەڤە ددەمەکیدایە، دەمێ چەند مەهانە لڤینێن چەکدارێن داعش ل سنورێ هەردوو وەلاتێن سوریێ و عێراقێ دەستپێکرینە و چەندین جاران هێرشکریە کریە سەر هێزێن ئارتێشا عێراقێ و هێزێن پێشمەرگەی و هێزێن سوریا دیموکرات ل رۆژئاڤایێ کوردستانێ و داوی هێرش سپێدەهیا دوهی بوو کو ب وی سەدەمی ١١ سەرباز هاتنە کوشتن.

گەلەری