PM:06:18:22/01/2022
824 جار خوێندراوەتەوە
+
-
ئەکتەر و ستێرا دیار یا جیهانی و پارێزگارێ بەرێ یێ کالیفۆڕنیا ئاڕنۆلد شوارزنێگەر تووشی بوویەرەکا هاتن و چوونێ بوو.
روپەلێ سی ئێن ئێن بەلاڤکر، پەیڤدارێ پارێزگارێ کالیفۆڕنیا دەربارەی بوویەرێ ڕاگەهاندیە، ئاڕنۆلد شوارزنێگەر بریندارنەبوویە و ب سلامەتە لێ د پێکدادانێدا ژنەک برینداربوویە و نها د خەما وێدانە.
ئاماژە ب وێیەکێ کر، بوویەر ل درەنگیا شەڤا دەربازبووی روویدایە و تێدا چار ترۆمبێلان لێکدایە و د ئێک ژ وان ترۆمبێلان ژیدا ئاڕنۆلد شوارزنێگەر شۆفێر بوو.
پۆلیسێن کالیفۆرنیا ئەوژی دیارکر، بوویەر یا ئاسایی بوو و چ کەسەکی ماددێن بێ هوشکەر بکارنە ئینابوون، دبێژن ژی، د ڤێ بوویەرێ دا ب تنێ ژنەک برینداربوویە و گەهاندیە نەخۆشخانێ.
ئاڕنۆلد شوارزنێگەر وەرزشکار و ئەکتەرێ مەزنێ جیهانی ل وەلاتێ نەمسا ل سالا ١٩٤٧ هاتیە سەر دنیایێ، د ژیێ ٢٠ سالیێ دا پشکداربوو د پێشبرکیا وەرزشا لەشجوانیێ و بوویەر گەنجترین وەرزشکار د دیرۆکێدا بۆ وەرگرتنا خەلاتێ (Mr. Universe title).
ل سالا ١٩٩٧ێدا، رێکخراوێن ئەوروپی و بیانیێن هۆلیۆد خەلاتێ گۆلدن گولب بۆ باشترین ئەکتەرێ زەلام یێ سالێ پێ بەخشی.
ژبلی ڤی خەلاتی چەندین خەلاتێن دی وەرگرتینە بسەدەمێ رۆلێن وی و دەرکەفتنێن ویێن سەرکەفتی، هندەک ژ وان فلمێن کو پشکداری تێدا کری، Commando, Predator, Twins, Total Recall, True Lies, Eraser, Collateral Damage,
.Terminator 3
زێدەباری ژیانا وەرزشی و هونەری، ئاڕنۆلد شوارزنێگەر پشکداریا کارا هەبوو د سیاسەتێدا وەک ٣٨ تەمین پارێزگارێ ویلایەتا کالیفۆڕنیا دەست بکاربوو و ل سالا ٢٠٠٣ هەیا سالا ٢٠١٠ێ و تێکەلی هەبوو دگەل سیاسەتێ و گەلەک کار دکر، کاریە ویلایەتێ پێش بێخیت و رۆلەکێ گرنگ هەبوو د بەرنامەیێ چاکسازی و پشکداریا چەندین کارێن خێرخازی.