PM:09:20:19/10/2021
3536 جار خوێندراوەتەوە
+
-
ژێدەرەکی ژ وەزارەتا داراییا هەرێمێ ڕاگەهاند، ل ٢٥ی
مەهێ دێ دەست ب پارڤەکرنا مووچەی هێتە کرن، ئەگەر بەغدا ٢٠٠ ملیاران نە هنێریت دێ
ب لێبڕین مووچە هێتە پارڤەکرن، لێ رێژەیا لێبڕینێ نەهاتیە دیارکرن.
ژێدەرەکی ژ وەزارەتا داراییا هەرێمێ بۆ ئێن ئاڕ تی ڕاگەهاند،
د نهادا دەستکریە ب کۆمکرنا داهاتێن خالێن سنوری و ناڤخۆ و فرۆتنا پەتڕۆلێ.
ئاماژە ب وێیەکێ ژی کریە، ژبلی داهاتان چاڤەڕێی بەغداژی
دکەن ٢٠٠ ملیاران بهێنێرن، ژبەرکو ب بێی وی پارەی نکارن مووچەی تەمام بهێتە
پارڤەکرن.
ژێدەری بەحسا وێیەکێ ژی کر، ئەگەر بەغدا پارە هنارت بێ
لێبڕین دێ هێتە پارڤەکرن، ئەگەرنە ب لێبڕین دێ هێتە پارڤەکرن لێ رێژەیا لێبڕینێ نە
هاتیە دیارکرن.
دەربارەی دەمێ پارڤەکرنا مووچەی ژێدەر دبێژیت، ٢٥ی مەهێ
دەست ب پارڤەکرنا مووچەی هێتە کرن.
ئەڤە ددەمەکیدایە، مەهانە حکومەتا هەرێمێ ژ فرۆتنا
پەتڕۆلێ و داهاتێن ناڤخۆ و خالێن سنوری مەهانە زێدەتر ژ ملیارەک و ٣٠٠ ملیۆن
دۆلاران ب دەستدکەڤن کو ب بێ پارەیێ بەغداژی پشکا دوو مووچەیێن تەمام دکەت، ژبەرکو
بلندبوونا بهایێ دۆلاری د نهادا حکومەت پێتڤی ب ٦٠٠ ملیۆن دۆلارانە بۆ مووچەیێ هەر
مەهەکێ.
زێدەباری کو چەند مەهەک بوو داهاتێن حکومەتا هەرێمێ
بەردەوام د زێدەبوونێدابوون و بەهرا مووچەی دکر ب بێ لێبڕین، لێ سێ مەهان بەریا
نها، دەمێ بەغدا کوژمێ ٢٠٠ ملیار دیناران بۆ هەرێمێ هنارتن و چ هێجەتەک نەبوو بۆ
بەردەوامیێ پێ، بڕیاردا بێ لێبڕین مووچە بهێتە پارڤەکرن هەیا وی دەمێ بەغدا ژ
هنارتنا وی کوژمێ پارەی بەردەوامبیت، لێ هەیانها حکومەتا عێراقێ هنارتنا ٢٠٠ ملیار
بۆ هەرێمێ د ڤێ مەهێدا ئێکلانەکریە.
هێرش قادر، هەولێر