سەرنووچە:

دادگەهێ دەربارەی چارەنڤیسێ بەدەل بەرواری و ئومێد بەرۆشکی بڕیارا داویێ دەرخست

AM:11:32:19/10/2021

1408 جار خوێندراوەتەوە

+ -

 

 

ئەڤرۆ ل دادگەها کەتنا دوویا هەولێرێ بۆ جارا شەشێ دادگەهکرنا بەدەل بەرواری و ئومێد بەرۆشکی برێڤەچوو. پارێزەرێن دۆسەیا وان ژی ڕاگەهاندن، کو هەر ئێک ب سالەکا زیندانیکرنێ هاتە سزادان کو ئەڤ سالەیا دەستبسەر بۆ وان دێ هێتە هەژمارتن و دێهێنە ئازادکرن.

بەشدار حەسەن پارێزەرێ دۆسەیا دەستەسەرکریێن بەهدینان ڕاگەهاند، ئەڤرۆ بۆ جارا شەشێ دادگەها هەرئێک ژ ماموستا بەدەل بەرواری و ئومێد بەرۆشکی برێڤەچوو، گوت ژی، دادگەهێ بڕیارا سالەکا زیندانیکرنێ بۆ هەر ئێک ژ وان دەرخست.

ئاماژە ب وێیەکێ ژیکر، ئەڤ دەمێ کو تێدا هەردوو کەس دەستبسەرکری دێ بۆ وان وەکی سزا هێتە هەژمارتن و پشترە دێ هێنە ئازادکرن.

ئاماژە ب وێیەکێ ژی کر، "پشتی بزاڤێن زۆر وان شیایە ماددەیا کو ئەو پێ هاتینە تۆهمەتبارکرن کو تێکدانا ئەولەهیا نشتیمانی بوو بگوهۆرن بۆ ماددەیەکێ دی شنی دادگەهێ بڕیارا داویێ لسەر چارەنڤێسی وان دەرخست.

ئەڤە د دەمەکی دایە، بەریا نها رۆژنامەڤان ئومێد بەرۆشکی لسەر پێنج دۆسەیان ل دادگەها دهۆکێ ب دوو سال و شەش مەهێن زیندانیکرنێ و پێبژارتنا ٢٢٥ هزار دیناران هاتبوو سزادان و ئەڤرۆ ژی ب سالەکا دی یا زیندانیکرنێ ل دادگەها کەتنا دوویا هەولێرێ لسەر داوی دۆسە هاتە سزادان.

هەڤدەم، پشتی شەش قوناغێن پاشخستنا دادگەهکرنێ د درێژیا ئەڤ سالەدا و زێدەتری سالەکا دەستبسەرکرنێ ئەڤرۆ دۆسەیا مامۆستا بەدەل بەرواری ژ ئالیێ دادگەهێ ڤە هاتە ئێک ئالیکرن و ب سالەکا زیندانیکرنێ هاتە سزادان کو سزایێ خۆ وەرگرتیە و ددێ هێتە ئازادکرن.

هەروەسا، ل مەهێن داویا سالا دەربازبووی مامۆستا بەدەل بەرواری و زێدەتری ٨٠ چالاکڤان و رۆژنامەڤانێن بەهدینانا ژ ئالیێ هێزێن ئەولەهیێ ڤە هاتنە دەستەسەرکرن و هەیا نها بتنێ دۆسەیا پێنج ژ وان هاتیە ئێک ئالی کرن.


 

گەلەری