PM:05:45:23/04/2024
24 جار خوێندراوەتەوە
+
-
وەزارەتا سامانێن
سروشتیێن حکومەتا رێڤەبرنا کارن هەرێمێ راگەهاند، چ بەهانەیەک نینە بۆ
هناردەنەکرنا پەترۆلا هەرێمێ. دبێژیت ژی، "حکومەتا فیدرالی هان ددەین بۆ
ئاسانکرنا هناردەکرنا پەترۆلێ".
ئەڤڕۆ سێشەمبی، وەزارەتا سامانێن سروشتیێن هەرێمێ راگەهاند، حکومەتا عێراقێ
هان ددەین کو ئاسانکاری بکەت بۆ هناردەکرنا پەترۆلا هەرێمێ و پێگیربوونا مەرجێن
رێککەفتنامەیا مەها ئێک یا ئەڤسالە.
بەحسا وێیکێ ژیکر،
هناردەکرنا پەترۆلا بۆ خوشگوزەرانیا هەمی گەلێ عێراقێ یە، هەڤدەم بۆ ئاشتی و
ئەولەهیا ئەنەرژیا جڤاکا ناڤدەولەتی گرنگە.
هەڤدەم، کۆمەلەیا پیشەسازیا پەترۆلا کوردستانێ "ئەپیکۆر" بۆ
ئێن ئاڕ تی راگەهاند، تا وی دەمێ حکومەتا عێراقێ و هەرێمێ دگەهنە رێککەفتنێ لسەر
داهاتێ پەترۆلێ، کۆمپانیایێن ئەندام د کۆمەلەیێ دا بەرهەڤن ب وان مەرجێن نها
لبەردەستن دەست ب هناردەیا پەرۆلا هەرێمێ بکەن.
ئەڤە د دەمکی
دایە، بەری سەرەدانا ئەردۆغان بۆ عێراقێ بەحسا پەترۆلا هەرێمێ دهاتەکرن، لێ دناڤ
هەمی خالێن رێککەفتنا ناڤبەرا عێراقێ و تورکیا بەحسا هناردەکرنا پەترۆلا هەرێمێ
نەهاتیە کرن.
ئەڤە د دەمەکی دایە، رۆژا ٢٥ـی ئادارا
٢٠٢٣ ب بڕیارا دادگەها پاریس هناردەیا پەترۆلا هەرێمێ ب رێکا بەندرێ جەیهانی
تورکیا هاتە راگرتن و زیانێن چەندین ملیار دۆلاران هەبوویە.