AM:09:12:16/10/2021
816 جار خوێندراوەتەوە
+
-
دەستهەلاتدارێن یۆنان ڕاگەهاند، بسەدەمێ وێ بارانا زێدە
د وەلاتیدا باری، ل باشورێ رۆژهەلاتێ وەلاتی بسەدەمێ لەهیان شڤانەکی ژیانا خۆ ژدەستدا
و بۆ دەمێ دوو رۆژان ل باژێرێ ئەسینا دەواما خاندنگەهان هاتە راوەستاندن.
ئاژانسا نووچەیا فەرەنسا بەلاڤکریە، ژ ئەنجامێ بارینا
بارانەکا زێدە ل یۆنان، بسەدەمێ لەهیان ل باشورێ رۆژهەلاتێ شڤانەکی ژیانا خۆ ژدەستدا.
ئاماژە ب وێیەکێ دایە، بسەدەمێ وان لەهیێن زێدە جاددە و
رێیێن سەرەکیێن ناڤ باژێرێ ئەسینایا پایتەخت ڤەگرتین، بۆ دەمێ دوو رۆژان دەواما
تەڤایا خاندنگەهێن وی باژێری و خزمەتگوزاری هاتینە راوەستاندن.
ئاماژە ب وێیەکێ ژی هاتیە کرن، بسەدەمێ ب هێزێیا وی هڕوبایێ
هاتی ئامیرێ تۆمارکرنا عەردهەژان ل ئەسینا ب خەلەتی ڕاگەهاندیە عەردهەژەک ب پلەیا
٥ پلەیێن رێختەر ل نێزیک دورگەیێ ئەفسیمیۆس لیکاس ل باشورێ رۆژهەلاتێ یۆنان
تۆمارکریە.
تیمێن ئاگر ڤەمراندنێ ئاماژە ب وێیەکێ کریە، بسەدەمێ لەهیێ
هزار و ٤٠٠ پەیوەندی پێ هاتینە کرن ب مەرەما د هەوارچوونێ و هەڤکاریێ کو توشی
رویدانێ بووینە.
ئەڤە ددەمەکیدایە، ل رۆژا پێنجشەمبی بارانەکا زێدە و
هڕۆبایەکێ ب هێز وەلاتێ یۆنانێ ڤەگرت و ب وی سەدەمی لەهی و ئاریشە بۆ چەند دەڤەران
دروستبووینە و بوویە سەدەمێ ژکارکەفتنا پشکەک ژ خزمەتگوزاریان.