AM:12:04:28/03/2024
56 جار خوێندراوەتەوە
+
-
بەردەوامیا گڤاشتنێن ناڤدەولەتی دەستهەلاتدارێن هەرێمێ نەچار کرینە هەلبژارتنا
گەڕا شەشێ یا پەرلەمانێ کوردستانێ ئەنجام بدەن. کۆمسیۆنا عێراقێ، داخازەکا نێچیرڤان
بارزانی بۆ زێدەکرنا کۆرسیێن پارێزگەها هەلەبجەی رەت دکەت.
پشتی جڤینێ دگەل بالیۆزێ بەریتانیا مەسعود بارزانی
سەرۆکێ پارتی راگەهاند، خازیارێن ئەنجامدانا هەلبژارتنێ نە، لێ دویر ژ دەست
تێوەردانا دەرڤە و بڕیارێن سیاسیێن دادگەها فیدرال.
هەڤدەم، نێچیرڤان بارزانی پشتی مەسعود بارزانی دگەل بالیۆزێ بەریتانیا جڤیا
و تەکەز ژ ئەنجامدانا هەلبژارتنێ کر.
ژ لایەکێ دیڤە، کۆمسیۆنا عێراقێ داخازەکا نێچیرڤان بارزانی بۆ زێدەکرنا
کورسیێن پارێزگەها هەلەبجە رەتکر و راگەهاند، هژمارا کورسیێن پارێزگەها هەلەبجەی ناهێنە
زێدەکرن و دێ وەکو خۆ مینن.
کۆمسیۆنا عێراقێ ئاماژە ب وێیەکێ ژیکر، ٢٨ـی ڤێ مەهێ دێ داوی ب دەمێ
تۆمارکرنا ناڤێن کاندیدێن حزبان هێت و دەم ناهێتە درێژکرن.
ئەڤە د دەمەکی دایە، دبن گڤاشتنێن ناڤدەولەتی، ل هەرێمێ رۆژا ١٠ـی مەها شەش
دێ هەلبژارتنا گەڕا شەشێ یا پەرلەمانێ کوردستنێ هێتە ئەمجام دان، دهێتە پێشبینیکرن
لڤێ هەلبژارتنێ بالانسا هێزێ د بەرژەوەندیا ئۆپۆزسیۆنێ بهێتە گۆهڕین، ئەڤە ژی ب
سەدەما وێ زۆلم و زۆرداریا پارتی و یەکێتی بۆ دەما ٣٣ـێ سالانە ژ خەلکێ هەرێما
کوردستانێ دکەن.