PM:09:04:27/03/2024
60 جار خوێندراوەتەوە
+
-
سەرۆکا فراکسیۆنا نەوەی نوی ل پەرلەمانێ
عێراقێ بۆ ئێن ئاڕ تی راگەهاند، بڕیارە تا رۆژا جەژنێ بەغدا کوژمەکێ دی یێ پارەی
بۆ هەرێمێ بنێریت. دبێژیت ژی،"بەغدا دێ بەردەوام بیت ژ هنارتنا پارەی بۆ
هەرێمێ و بڕیارە ئاسانکاریێ بکەت بۆ چارەسەرکرنا ئاریشەیان".
ئاماژە ب وێیەکێ ژیکر، ل دنیایێ نەبوویە
فشار ژ مووچەخۆران بهێتە کرن کو ژ بەنکەکا دیاریکری مووچەی وەربگرن و پێدڤیە مووچەخۆر
یێ ئازاد بیت کو چ هژمارا بەنكێ بکاربیت.
گوت ژی،"بڕیارە حکومەتا عێراقێ
کوژمەکێ دی یێ پارەی بۆ هەرێمێ بنێریت و نها بەغدا بەرهەڤیان دکەت تا پارەی بۆ
هەرێمێ بنێریت".
ئەو یەکژی بەرچاڤکر، زێدەتری ١٧ رۆژانە
حکومەتا عێراقێ پارە بۆ هەرێمێ هناریتە، لێ ب بڕیارا مەسرور بارزانی و قوباد
تالەبانی دەست بسەر مووچەی دا گرتیە.
سروە عەبدولواحید بەحسا وێیەکێ
ژیکر،"بۆ وەلاتیان ئەشکرا بوویە کۆ پارتی و یەکێتی ل دەمێ نێزیکبوونا
هەلبژارتنا مژیلی هندێ نە هندەک تشتان وەکو دەست کەفت ب وەلاتیان بفرۆشن، مەسرور
بارزانی و قوباد تالەبانی د هەلبژارتنا بووری دا سۆزا وێ یەکێ ب وەلاتیان دا کو
زەڤیان بسەر وەلاتیان دابەش بکەن".
ئەو یەکژی راگەهاند، دادگەها فیدرالی بڕیار
دایە مەهانە د دەما خودا پارەی بۆ مووچەیێ مووچەخۆرێن هەرێمێ بنێریت و تنێ ئەڤ یەک
لسەر هەرێمێ یە لیستا مووچەخۆران بۆ بەغدا بنێریت.
گوت ژی، "وەزارەتا داراییا عێراقێ ب
ڤی مەرجی دێ مووچەیێ مووچەخۆرێن سەربازی هنێریت کو هەردوو دیوانێن چاڤدێریا عێراقێ
و هەرێمێ پەسەند بکەن".
ئەو یەکژی بەرچاڤکر، خەلکێ هەرێما
کوردستانێ باوەڕی ب بەنكێن حزبی ناهێت تا مووچەیێ خۆ ب رێکا وان بەنکان وەربگرن.
بەحسا وێیەکێ ژیکر، تەیف سامی وەزیرا
داراییا عێراقێ ب فراکسیۆنا نەوەی نوێ راگەهاندیە، نەشێن بەروڤاژی بڕیارێن دادگەها
فیدرال کار بکەن و پێگیری بڕیارێن دادگەها فیدرال نەبن.
گوت ژی،"نەوەی نوێ بەردەوام دگەل
حکومەتا عێراقێ وکۆمەلگەها ناڤدەولەتی د بزاڤان دایە کۆ ئاریشەیێن خەلکێ هەرێما
کوردستانێ چارەسەر بکەن".
ئاماژە ب وێیەکێ ژیکر، پێدڤیە خەلکێ هەرێما
کوردستانێ پشکداریێ د هەلبژارتنان دا بکەن و هێزەکا نوی تاقی بکەن تا خەلک ژ ڤان
نەخۆشیان رزگارببن.
گوت ژی، "کۆمسیۆنا عێراقێ بەرهەڤە تا
هەلبژارتنا پەرلەمانێ کوردستانێ ب رێڤەببەت و بەردەوامە ژ ئامادەکاریان، پارتی و
یەکێتی ژ هەلبژاتنان دترسن و ژبەر هندێ ژیێ پەرلەمانێ درێژکر و ئەگەر هەلبژارتنێ
ئەمجام نەدەن دێ ڕەوش خرابتر لێ هێت".
ئەو یەکژی راگەهاند، تنێ هیڤیا گۆهڕینان
هەلبژارتنە و ئەو حزبەکا مەدەنی نە ئەڤ جارە هەلبژارتنا پەرلەمانێ کورستانێ جودایە
ژ هەلبژارتنێن دی، ژبەرکو کۆمسیۆنا عێراقێ دێ هەلبژارتنێ ب رێڤەبەت.
بەحسا وێیەکێ ژیکر، چ حزبەک وەکو نەوەی نوی
بەرهەڤ نینە بۆ ئەنجامدانا هەلبژارتنا پەرلەمانێ کوردستانێ، ژبەرکو نەوەی نوێ
حزبەکە درۆ دگەل خەلکێ کوردستان دا نەکریە و پارەیێ خەلکی نەخاریە.
دەربارێ ڕەوشا
عێراقێ، سروە عەبدولواحید گوت ژی،"د نها دا ڕەوشا عێراقێ ئاساییە حکومەتا
عێراقێ بەردەوامە ژ ئەنجامدانا چاکسازیان و د ڤان چەند سالێن بووری دا کارێن باش
ئەنجامداینە".