PM:07:28:27/03/2024
44 جار خوێندراوەتەوە
+
-
بریکارێ وەزارەتا چاندنا حکومەتا ڕێڤەبرنا
کارێن هەرێمێ راگەهاند، ئەڤسالە ب سەدەما بارینا بارەنەکا زۆر ل دەڤەرێ، بەرهەمئینانا
گەنم و بەروبوومێن چاندنێ گەشە کریە.
ئەڤڕۆ
چارشەمبی، کەریم سلێمان بریکارێ وەزارەتا چاندنا حکومەتا رێڤەبرنا کارێن هەرێمێ
راگەهاند، دهێتە چاڤەڕێکرن بەروبوومێ چاندنا ئەڤسالە بگەهیتە دوو ملیۆن و ٧٠٠ هزار
تەنان.
ئاماژە ب وێیەکێ ژیکر، بڕیارە ئەڤسالە حکومەتا
عێراقێ شەش ملیۆن تەنێن گەنمی ژ جووتیاران بکڕیت هەڤبەری سالا دەربازبووی رێژەیەکا
زێدەتر یا بەرهەمێن چاندێ ژ جووتیارێن هەرێمێ بهێتە وەرگرتن.
گوت ژی،" هەر تەنەکا گەنمی دێ ب ٨٥٠
هزار دیناران ژ جووتیاران هێتە وەرگرتن".
ئەڤە د دەمەکی دایە، رۆژا ٢٣ـی ڤێ مەهێ،
نەوزاد کامیل رێڤەبەرێ گشتی یێ وەزارەتا بازارگانیا هەرێمێ بۆ ئێن ئاڕ تی
راگەهاند، حکومەتا عێراقێ بهایێ وەرگرتنا گەنمێ جووتیاران بۆ ئەڤسالە دیار کریە و هەر
تەنەکا گەنمی دێ ب ٨٥٠ هزار دیناران ژ جووتیاران هێتە وەرگرتن. گوت ژی،"دگەل
وەزارەتا بازرگانی و چاندنا عێراقێ د گووتۆبێژان داینە تا ئەڤسالە هەمی گەنمێ
جووتیاران وەربگرن".
ژ دەستپیکا ئەڤسالە، وەزارەتا چاندنا عێراقێ
راگەهاند، ب رێکا چەند رێکارێن نوی دێ بزاڤان کەین ئاستێ بەرهەمئینانا گەنمی ل
عێراقێ هەڤبەری سالێن بووری بلند بکەین.